Amenemhat II

Noebchaoere Amenemhat II was die derde farao van die 12de Dinastie van Antieke Egipte. Min is bekend oor sy bewind van 35 jaar, nie eens die naam van sy koningin nie.^[1] Sy troonnaam, Noebchaoere, beteken "Goud is die Siele van Ra".^[2]

Amenemhat II
Ammenemes
’n Standbeeld van Amenemhat II (Egiptiese Museum, Berlyn).
Farao van die 12de Dinastie
Periode	1929–1895 v.C.
Voorganger	Senoesret I
Opvolger	Senoesret II
Vader	Senoesret I
Moeder	Neferu III
Oorlede	1895 v.C.
Monumente	Wit Piramide by Dahsjoer
Amenemhat II in Egiptiese hiërogliewe
Serech of Horusnaam Nebty-naam Goue Horus-naam Praenomen of troonnaam Nomen of geboortenaam
Portaal    Antieke Egipte

Lewe

Hy was die seun van Senoesret I en sy hoofvrou, Neferu III. Die belangrikste rekord van sy bewind is op fragmente van ’n annale steen van Memphis. Dit vertel van sy vroeë bewind, insluitende skenkings aan verskeie tempels, van Nubiërs wat hom besoek, ’n veldtog na Sirië en die vernietiging van twee stede. Hy het in sy 33ste bewindsjaar sy seun, Senoesret II, as medeheerser aangestel om te verseker dat hy hom opvolg.

Sy Wit Piramide is by Dahsjoer gebou. Verskeie koninklike vroue is saam met hom begrawe, sommige met goue juweliersware. Vier grafkelders (drie koninklik) het ongeskonde gebly tot in 1894/5, toe dit ontdek is deur Jacques de Morgan.^[3]