Avril Malan

Avril Stéfan Malan (9 April, 1937, Pretoria - ) was 'n Springbokrugbyspeler en -kaptein, in die slotposisie. Hy het in sestien toetse gespeel, tien daarvan as kaptein. Hy was Suid-Afrika se nege-en-twintigste Springbokkaptein.

Avril Malan
Volle naam	Avril Stéfan Malan
Geboortedatum	9 April 1937 (1937-04-09) (88 jaar oud)
Geboorteplek	Pretoria, Suid-Afrika
Lengte	1.87 m
Massa	95 kg
Skool	Hoërskool Wonderboom
Universiteit	Stellenbosch
Vername familie	Magnus Malan (broer)
Beroep	Ontwikkelingsbeampte by Transvaalse Rugbyvoetbalunie.
Rugbyloopbaan
Loopbaan as speler
Posisie(s)	Slot
Amateurspanne
Jare	Klub / span	Weds	(pte)
	Stellenbosch, Diggers
Provinsiale- / Staatspanne
Jare	Klub / span	Weds	(pte)
	Westelike Provinsie, Transvaal
Nasionale span(ne)
Jare	Land	Weds	(pte)
1960–1965	Suid-Afrika	16	(0)
Loopbaan as afrigter
Jare	Klub / span
1969	Springbokke

Vroeë lewe

Avril het grootgeword en skoolgegaan by Hoërskool Wonderboom in Pretoria. Sy pa was prof. Avril Malan en sy broer Magnus Malan, wat indertyd minister van verdediging in die Botha-regering was. Ná skool het hy in Stellenbosch gaan studeer.

Rugbyloopbaan

Op twintigjarige ouderdom het hy reeds vir die Westelike Provinsie gespeel as slot saam met Jan Pickard. In 1960 speel hy die eerste keer vir die Springbokke, teen die All Blacks. Alhoewel Avril korter as sy direkte teenstanders was, wen hy en Johan Claassen die lynstaanoorlog teen die All Blacks. Avril het ongelooflike veerkrag in sy bene gehad.

Hy word as kaptein gekies vir die derde toets – op drie-en-twintigjarige ouderdom. Hy was die jongste Springbokkaptein ooit. Hy neem twee toerspanne na die Britse Eilande, in 1960/61 en 1965. Hy speel nie in 1962 teen die Iere en Britse Leeus nie weens 'n besering. Hy speel teen die Wallabies in 1963 (kaptein in slegs een toets) en was weer kaptein in 1964 in die enigste toets teen Wallis. In 1965 was hy die kaptein van die rampspoedige toer na Ierland en Skotland. Hulle wen nie een wedstryd nie en Avril tree uit rugby – slegs agt-en-twintig jaar oud. Hy werk by die Transvaal-Unie en was die Springbokke se afrigter op die 1969/70-betogertoer na Groot Brittanje en Ierland.

Bron

• 30 Super Springboks. Paul Dobson. 1995. ISBN 0-7981-3411-9

Eksterne skakels

• Avril Malan by www.genslin.us/bokke

Voorafgegaan deur Roy Dryburgh

Springbokkaptein 1960-1960

Opgevolg deur Abie Malan