Avro Shackleton

Die Avro Shackleton was 'n Britse langafstand-maritieme patrollievliegtuig vir gebruik deur die Britse Lugmag (RAF) en die Suid-Afrikaanse Lugmag (SALM). Dit is ontwikkel deur Avro uit die Avro Lincoln bomwerper, self 'n ontwikkeling van die beroemde Avro Lancaster bomwerper. Die tipe se nooiensvlug was in 1949 en is vernoem na die Suidpool-ontdekkingsreisiger Sir Ernest Shackleton.

Avro Shackleton
'n Shackleton MR3 in 1955
Tipe	Maritieme patrollievliegtuig
Vervaardiger	Avro
Nooiensvlug	9 Maart 1949
Vrygestel	April 1951
Onttrek	1990
Status	Onttrek
Hoofgebruiker	Britse Lugmag en Suid-Afrikaanse Lugmag
Vervaardig	1951-1958
Aantal gebou	185
Ontwikkel van	Avro Lincoln

Aanvanklik (1958-1970) is dit slegs gebruik vir opsporing en bestryding van duikbote, maar in die tydperk 1957 tot 1984 ook as maritieme patrollievliegtuig in die lugmag van Suid-Afrika.

Tegniese besonderhede

Besonderhede van die Avro Shackleton M.R.2:

Item	Statistiek
Aantal motors	4
Tipe motor	Skroef
Vervaardiger	Rolls-Royce Griffon 57A V-12
Kraglewering per motor	2 455 perdekrag
Vlerkspan	36,58 m
Lengte	26,59 m
Hoogte	5,1 m
Vlerkoppervlakte	132 m2
Maks. opstygmassa	39 044 kg
Maks. snelheid	500 km/h
Operasionele hoogte	6 405m
Togafstand:	5 440km
Klimvermoë	260 m per minuut
Bewapening	Twee 20 mm masjiengewere in neus- en stertskiettorings. maks. bomvrag van 8 172 kg.

Ongeluk

'n Suid-Afrikaanse Lugmag Avro Shackleton-wrak lê in die Saharawoestyn. (Neergestort op 13 Julie 1994)

Op 8 Augustus 1963 het 'n Shackleton (reg. 1718/K) van die Suid-Afrikaanse Lugmag in die Stettynsberge vasgevlieg en al 13 bemanningslede het omgekom.^[1]