Bergmahonie

Die bergmahonie (Entandrophragma caudatum, Engels: Mountain Mahogany) is 'n groot Suider-Afrikaanse boom wat deel uitmaak van die Mahoniefamilie en wat in KwaZulu-Natal, Eswatini, Limpopo, Mpumalanga, Botswana, Angola, die Kaprivistrook, Zimbabwe, Zambië en Malawi voorkom. In Limpopo word eksemplare selde groter as 10 m, maar in Mosambiek, hoewel yl verspreid, kan die boom tot 20 m hoog word.

Bergmahonie
Hooker’s Icones Plantarum, vol. 31: t. 3023 (1915) sketse deur Matilda Smith
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Rosids
Orde:	Sapindales
Familie:	Meliaceae
Genus:	Entandrophragma
Spesie:	E. caudatum
Binomiale naam
Entandrophragma caudatum Thomas Archibald Sprague, (1910)
Sinonieme
Entandrophragma utile sensu Gomes e Sousa, Dendrol. Mosambiek (1951) Pseudocedrela caudata Sprague (1908)

In die Krugerwildtuin is dit skaars, en groei slegs in die sandveld rondom Punda Maria en op rotskoppies in die Lebomboberge, en word tot sover suid as die Sabierivier aangetref.^[1]

Die boom se FSA-nommer is 293.^[1]

Fotogalery

• 
  Onryp vrugte aan 'n bergmahonie.
• 
  Skets van 'n oopgebarste vrug toon die sade binne-in.

Sien ook

• Alfabetiese lys van Suid-Afrikaanse bome