Cecil Moss

Cecil Moss (12 Februarie 1925, Riversdal – 27 Oktober 2017, Nuweland) was 'n Springbokrugbyspeler, -afrigter en dokter. Hy was saam met dr. Joseph Ozinsky verantwoordelik vir die narkose tydens die eerste menslike hartoorplanting wat dr. Chris Barnard op 3 Desember 1967 gedoen het.^[1]

Cecil Moss
Geboortedatum	(1925-02-12)12 Februarie 1925
Geboorteplek	Riversdal
Sterftedatum	27 Oktober 2017 (op 92)
Sterfteplek	Kaapstad
Lengte	170 cm
Massa	80 kg
Rugbyloopbaan
Loopbaan as speler
Posisie(s)	Vleuel
Provinsiale- / Staatspanne
Jare	Klub / span	Weds	(pte)
1946–1959	Westelike Provinsie
Nasionale span(ne)
Jare	Land	Weds	(pte)
1949	Suid-Afrika	4	(0)
Loopbaan as afrigter
Jare	Klub / span
1982–1989	Suid-Afrika

Hy het in 1949 in vier toetse vir Suid-Afrika teen die All Blacks gespeel; 'n tuisreeks wat die Springbokke met 4–0 gewen het. Hy was ook die Springbokafrigter van 1982 tot 1989. Hy spog met tien oorwinnings en slegs twee nederlae.^[2] Ná die afsterwe van Piet Malan op 5 Julie 2015 was hy die oudste lewende Springbok en ná sy afsterwe het dié eer Des van Jaarsveldt toegeval.