Edwill van Aarde
Suid-Afrikaanse televisie-aanbieder, radio-omroeper en sportkommentator From Wikipedia, the free encyclopedia
Remove ads
Edwill van Aarde (20 Desember 1938 – 3 Januarie 2024) was 'n televisie-, radio-omroeper en sportkommentator in Suid-Afrika. Hy was die aanbieder en kommentator met die langste ononderbroke diens by enige uitsaaier in Suid-Afrika, 50 jaar (in 2011).[1]
Persoonlike lewe
Van Aarde is op 20 Desember 1938 in Kimberley, Suid-Afrika gebore.[2] Hy het in Boetsap grootgeword.[3] Hy het skoolgegaan by die Laerskool Vaalharts en die Hoërskool Diamantveld,[2] waar hy in 1957 gematrikuleer het. Hy was getroud met Piena Margeretha Forbes Ochse.
Sportkommentaar
Hy het 517 krieketwedstryde, 134 rugbywedstryde, 12 Comrades-maratons en 5 Wimbledon-manstenniseindstryde uitgesaai.[2][4]
Radio
Hy het die radioprogram "Afrikaanse treffers" aangebied. Hierdie program het 40 jaar oud geword in 2015.[5][6]
Televisie
Van Aarde was die aanbieder van Flinkdink, 'n algemenekennis- vasvraprogram. Hy was later ook die organiseerder en navorser van die program.[7]
Aanval
Hy is op 29 Maart 2010 in sy huis in Krugersdorp deur 'n boosdoener aangeval en fisies aangerand. Hy het die aanval oorleef.[8]
Verwysings
Wikiwand - on
Seamless Wikipedia browsing. On steroids.
Remove ads