Franse geweste

Frankryk was sedert 1956 tot 2015 in 27 geweste (Frans: régions) verdeel, waarvan 22 geweste in die Europese deel van Frankryk (régions métropolitaines – metropolitaanse geweste) ^[1] en 5 oorsese geweste (régions d'outre-mer) was.^[2][3] Die geweste is die hoogste vlak van gebiedsverdeling in die Franse Republiek en word verder in departemente (Frans: départements) onderverdeel. Franse geweste vorm ook min of meer natuurlike geografies gebiede en het oor die algemeen 'n eie kulturele en sosiale identiteit. Baie van die moderne geweste kom ooreen en dra die naam van die historiese Franse provinsies.

Geweste en departemente van metropolitaanse Frankryk tot 2015.

Hervorming en samesmelting van geweste

Die aantal geweste is amptelik op 1 Januarie 2016 tot 18 verminder, nadat 'n aantal geweste in die Europese deel saamgesmelt het.^[4]

Geweste van Frankryk sedert 2016.

Geweste wat saamgesmelt het

	Vorige geweste	Nuwe geweste
	Boergondië	Boergondië-Franche-Comté
	Franche-Comté
	Akwitanië	Nieu-Akwitanië
	Limousin
	Poitou-Charentes
	Basse-Normandie	Normandië
	Haute-Normandie
	Elsas	Grand Est
	Champagne-Ardenne
	Lotaringe
	Languedoc-Roussillon	Oksitanië
	Midi-Pyrénées
	Nord-Pas-de-Calais	Hauts-de-France
	Pikardië
	Auvergne	Auvergne-Rhône-Alpes
	Rhône-Alpes

Geweste wat onveranderd gebly het

	Bretagne
	Centre-Val de Loire
	Korsika
	Île-de-France
	Pays de la Loire
	Provence-Alpes-Côte d'Azur