Lawaaimakerjanfrederik

Die lawaaimakerjanfrederik (Cossypha dichroa) is 'n voëlspesie in die Muscicapidae familie. Dit kom in Suid-Afrika en Eswatini voor.

Lawaaimakerjanfrederik
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Passeriformes
Familie:	Muscicapidae
Genus:	Cossypha
Spesie:	C. dichroa
Binomiale naam
Cossypha dichroa (Gmelin, 1789)

Die spesie se natuurlike habitat is sub-tropiese of tropiese vogtige laeveld woude.

Hierdie is 'n groot janfrederik, omtrent 20 cm. Die lawaaimakerjanfrederik word onderskei deur die donker bo-gedeeltes (die oorflappe en lelie is effe donkerder as die res van die gesig, kop, nek en rug) en geel-oranje onder-gedeeltes. Dit het geen wit oogstreep nie. Onvolwasse voëls het 'n vuil, gevlekte rooibruin bo en onder die stert en is rooi-oranje met 'n donker senter.

Die lawaaimakerjanfrederik migreer van die binneland na die kuswoude in die winter.

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (gegroepeer)
• Lys van Suider-Afrikaanse voëls volgens wetenskaplike name

Verwysings

• BirdLife International 2004. Cossypha dichroa Geargiveer 30 September 2007 op Wayback Machine. 2006 IUCN Red List of Threatened Species. Afgelaai op 25 Julie 2007.