Linaceae

Linaceae, die vlasfamilie, is familie wat tot die orde Malpighiales hoort. Die ongeveer 450 spesie van hierdie familie is almal kruid- of struikagtig, en die meeste van hulle is van die trope afkomstig. Die genus Linum is uit ʼn ekonomiese oogpunt gesien die belangrikste. Veselvlas (Linum usitatissimum) is reeds 5 000 jaar gelede in Mesopotamië verbou.

Linaceae
Linum pubescens
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Rosids
Orde:	Malpighiales
Familie:	Linaceae DC. ex Perleb
Genera
Sien teks.

Van die lande rondom die Middellandse See het die gewas na ander dele van Europa versprei. Deur die stingels in water te lê, kom die basvesels vry, waaruit daar dan na bewerking linne gespin word. Uit die sade van die vlasplant word lynsaadolie, wat onder meer vir die vervaardiging van olieverf gebruik word, gepars. Die residu (oorblyfsels) word saamgepers en in die vorm van lynkoeke as veevoer gebruik. Sommige vlassoorte, soos Linum grandiflorum, word as sierplante gekweek.

Genera

Die familie bestaan uit nege genera:^[1]

• Anisadenia Wall. ex Meisn.
• Hebepetalum Benth.
• Hugonia L.
• Indorouchera Hallier f.
• Linum L.
• Radiola Hill
• Reinwardtia Dumort.
• Roucheria Planch.
• Tirpitzia Hallier f.