Linköping

Linköping (Sweeds: [ˈlɪ̂nːˌɕøːpɪŋ], ) is 'n stad in Suid-Swede en die vyfde grootste in die land ná Stockholm, Gotenburg, Malmö en Uppsala met 'n oppervlakte van 1 568,57 vierkante kilometer en 'n bevolking van 167 404 (2023). Linköping dien as die administratiewe hoofstad van die gelyknamige munisipaliteit (Sweeds: kommun).

Die domkerk van Linköping

Linköping
Kaart	Wapen
	Vlag
Land	Swede
Landskap	Östergötland
Län	Östergötland
Koördinate	58°25′N 15°38′O
Stigting (eerste verwysing)	1082
Oppervlakte:
- Totaal (kommun)	1 568,57 vk km[1]
Hoogte bo seevlak	45 m
Bevolking:
- Totaal (2023)	167 404[2]
- Bevolkingsdigtheid (kommun)	106,7/vk km
Tydsone	UTC +1 (MET)
- Somertyd	UTC +2 (MEST)
Klimaat
- Tipe	Kontinentaal-gematig
- Gemiddelde jaarlikse temperatuur	7,2 °C
- Gem. temp. Januarie/Julie	−1,8 / 17,5 °C
- Gemiddelde jaarlikse neerslae	604,8 mm
Amptelike webwerf	www.linkoping.se

Linköping is glo genoem na die Lionga ting, die belangrikste vergaderplek in Östergötland, terwyl die agtervoegsel köping na 'n markstad verwys. Ander Sweedse stede met 'n soortgelyke naam sluit in Jönköping, Norrköping ("noordelike markstad"), Nyköping en Söderköping ("suidelike markstad"). Die nabygeleë klooster Vreta is in 1128 gestig en die oudste dele van die domkerk van Linköping dateer ook uit dié tydperk.

Op 25 September 1598 is by die brug oor die Stångån (die hoofbrug in Linköping) die Rooms-Katolieke koning Sigismund III Wasa deur sy oom Karel van Södermanland verslaan, waarmee die kortstondige Pools-Sweedse unie beëindig is. Vervolgens is op 20 Maart 1600 vyf koninklike raadslede tydens die "bloedbad van Linköping" op die markplein tereggestel. Die slag was die begin van 'n oorlog tussen Swede en Pole wat tot in 1629 gewoed het.