Mangosuthu Buthelezi

Mangosuthu Buthelezi (27 Augustus 1928 - 9 September 2023) was 'n Zoeloehoofman en politikus. Hy is ook die stigter en voormalige leier van die Inkatha-Vryheidsparty (IVP). Vanaf 1994 tot 2004 het hy as die minister van Binnelandse Sake in die kabinette van Nelson Mandela en Thabo Mbeki gedien.^[3]

Mangosuthu Buthelezi
Mangosuthu Buthelezi in 1983
President van die Inkatha-Vryheidsparty
Ampstermyn 1976 – 25 Augustus 2019
Voorafgegaan deur	Nuwe amp
Opgevolg deur	Velenkosini Hlabisa
Inkosi (Opperhoof) van die Buthelezi-stam
Ampstermyn 1953 – 2023?
Voorafgegaan deur	Mathole Buthelezi
Minister van Binnelandse Sake
Ampstermyn 10 Mei 1994 – 29 April 2004
President	Nelson Mandela (1994–1999) Thabo Mbeki (1999–2004)
Voorafgegaan deur	Danie Schutte
Opgevolg deur	Nosiviwe Mapisa-Nqakula
Hoofminister van KwaZulu
Ampstermyn 1 April 1972 – 26 April 1994[1]
Hoof Uitvoerende Raadslid van die Zululand Territoriale Owerheid
Ampstermyn 9 Junie 1970 – 1 April 1972
Persoonlike besonderhede
Gebore	(1928-08-27)27 Augustus 1928[2] Mahlabathini, Natal, Unie van Suid-Afrika
Sterf	9 September 2023 (op 95)
Politieke party	Inkatha-Vryheidsparty
Eggenoot/-note	Irene Mzila (1952–2019)
Kind(ers)	3 seuns, 4 dogters
Alma mater	Universiteit van Natal Universiteit van Fort Hare
Religie	Anglikanisme

Lewensloop

Mangosuthu Buthelezi saam met lede van die Europese Parlement

Mangosuthu (Gatsha) Ashpenaz Nathan Buthelezi is op 27 Augustus 1928 in Mahlabathini in die Unie van Suid-Afrika gebore. Aan die einde van die 1940's het hy by die ANC-jeugliga (ANCYL) aangesluit. Met verloop van tyd het hy kommunisme verwerp en sy rug op die African National Congress gekeer.

In 1964 tree hy as 'n akteur in die fliek Zulu op, waarin hy die rol van koning Cetshwayo vertolk het.

In die 1970's word hy die leier van die voormalige KwaZulu-tuisland, en staan as die hoof daarvan tot met die verkiesing van 1994. Die ANC het hom vel gekritiseer omdat hy in die 1970's en 1980's saam met die toenmalige Suid-Afrikaanse apartheidsregering saamgewerk het.

In 1975 stig hy die Inkatha-Vryheidsparty.

Van 1994 tot 2004 was Buthelezi die minister van Binnelandse Sake in die Suid-Afrikaanse regering. Hy het in die kabinette van Nelson Mandela en Thabo Mbeki gedien.

Hy het in 1952 met Irene Mzila in die huwelik getree en het drie seuns en vier dogters. Hy sterf op 9 September 2023 na 'n uitgerekte siekbed.^[4]