Meganiese ewewig

'n Standaard definisie van statiese ewewig is:

'n Stelsel van deeltjies bereik statiese ewewig wanneer alle deeltjies van die stelsel in rus is, en die totale krag wat inwerk op elke deeltjie is permanent nul.^[1]

'n Pendulum in stabiele ewewig (links) en onstabiele ewewig (regs).

Dit is 'n streng definisie, en dikwels word die term “statiese ewewig” soos volg gebruik op minder streng wyse, en verwisselbaar met “meganiese ewewig”.^[2]

'n Standaard definisie van meganiese ewewig vir 'n deeltjie is:

Die noodsaaklike en voldoende toestande vir 'n deeltjie om in meganiese ewewig te wees sodat die netto krag wat op die deeltjie inwerk nul is.^[3]

Die noodsaaklike toestande vir meganiese ewewig vir 'n stelsel van deeltjies is:

(i) Die vektorsom van alle eksterne kragte is nul;

(ii) Die som van die momente van alle eksterne kragte oor enige lyn is nul.^[3]

Soos toegepas op 'n rigiede liggaam sal die noodsaaklike en voldoende toestande die volgende word:

'n Rigiede liggaam is in meganiese ewewig wanneer die som van alle kragte wat op alle deeltjies inwerk nul is, en ook die som van alle draaimomente op alle deeltjies van die stelsel gelyk aan nul.^[4][5]

'n Rigiede liggaam in meganiese ewewig ondergaan nóg lineêre- nóg rotasieversnelling, maar dit kan teen 'n konstante snelheid voortbeweeg of roteer.