Michail Nesterof

Michail Wasiljewitsj Nesterof (Russies: Михаи́л Васи́льевич Не́стеров; 31 Mei [O.S. 19 Mei] 1862 – 18 Oktober 1942) was ’n vooraanstaande verteenwoordiger van religieuse Simbolisme in Russiese kuns. Hy het aan die Keiserlike Kunsakademie onder Pawel Tsjistjakof studeer, maar hom later geskaar by ’n groep kunstenaars bekend as die Peredwizjniki.

Michail Nesterof
Portret deur Wiktor Wasnetsof.
Geboortenaam	Michail Wasiljewitsj Nesterof (Михаи́л Васи́льевич Не́стеров)
Gebore	31 Mei [O.S. 19 Mei] 1862 Oefa
Sterf	18 Oktober 1942 (op 80) Moskou
Nasionaliteit	Russies
Veld	Skilderkuns
Opleiding	Moskouse Skool vir Skilderkuns, Beeldhouwerk en Argitektuur Keiserlike Kunsakademie
Beweging	Russiese Simbolisme

Sy kunswerk Die Visioen van die Jong Bartolomeus (1890–'91), wat die bekering van die Middeleeuse heilige Sergei Radonezjski uitbeeld, word dikwels beskou as die begin van die Russiese Simbolistiese beweging.

Van 1890 tot 1910 het Nesterof in Kiëf en Sint Petersburg gewoon waar hy aan muurskilderings in onderskeidelik die Sint Wladimir-katedraal en die Kerk op Gestorte Bloed gewerk het. Ná 1910 het in Moskou gewoon, waar hy in die Marfo-Mariinski-klooster gewerk het. As ’n toegewyde Ortodokse Christen het hy nie die Russiese Rewolusie aanvaar nie, maar hy het tot met sy dood in Rusland gebly.

Galery

Wikimedia Commons bevat media in verband met Mikhail Nesterov.

• 
  Die Visioen van die Jong Bartolomeus (1890–'91).
• 
  Filosowe beeld die Simbolistiese denkers Pawel Florenski en Sergei Boelgakof uit.