Mount Cook

Mount Cook (Māori: Aoraki) is met 'n hoogte van 3 724 meter die hoogste berg van Nieu-Seeland.^[2] Die berg is op die Suideiland in die Nieu-Seelandse Alpe geleë.

Mount Cook in winter met die Hooker-gletser op die voorgrond

Aoraki / Mount Cook
Mount Cook soos vanaf die Hooker Valley gesien
Ligging	Suideiland, Nieu-Seeland
Hoogte	3 724[1] meter bo seevlak
Reeks	Nieu-Seelandse Alpe
Koördinate	43°35′42″S 170°8′30″O
Eerste bestyging	1894
Eerste bestyger(s)	Tom Fyfe George Graham Jack Clarke
Aoraki / Mount Cook Ligging van Mount Cook in Nieu-Seeland

Mount Cook is op 13 Desember 1642 deur die Nederlandse ontdekkingsreisiger Abel Tasman ontdek.^[3] In 1851 is die berg deur die Britse offisier John Lort Stokes ná die Britse ontdekkingsreisiger James Cook genoem; Cook het die eilande van Nieu-Seeland vir die eerste keer omseil.^[4] In 1998 is die amptelike naam na Aoraki / Mount Cook verander om die historiese Māorinaam Aoraki te inkorporeer.^[5]

Aoraki is die naam van 'n persoon in die tradisies van die Ngāi Tahu iwi; 'n vroeë benaming vir die Suideiland is Te Waka o Aoraki ("Aoraki se kanoe"). In die verlede het baie geglo dit beteken "wolkdeursteker",^[6] 'n romantiese weergawe van die naam se komponente: ao (wêreld, bedags, wolk, ens.) en raki of rangi (dag, hemel, weer, ens.).^[7] Histories is die Māorinaam Aorangi gespel en het die die gestandaardiseerde Māorivorm gebruik.