Outjo

Outjo (Herero: klein koppe) is 'n dorp met 6 000 inwoners in die Kunene-distrik van Namibië. Dit is die setel van die Outjo-kiesafdeling in die distrik. Die dorp is bekend as 'n belangrike poort na die Nasionale Etoshawildtuin.^[1]

Die Gereformeerde kerk Outjo. Dié gemeente was die eerste Afrikaanse kerk op die dorp.

Outjo
Dorp
'n Lugbeeld van Outjo in 2018
Wapen
Outjo
Koördinate: 20°06′32″S 16°09′17″O
Land	Namibië
Streek	Kunene
Kiesafdeling	Outjo
Regering
• Burgemeester	Kleophas Geingob
Bevolking
• Totaal	6 013
Tydsone	UTC+2 (SAST)

Outjo is in 1897 deur die Duitsers onder bevel van kol. Theodor von Leutwein as 'n militêre basis gestig. Die doel hieragter was om die noordelike gebied van Duitswes-Afrika verder te verken. Die plaaslike historiese museum (Franke Haus Museum) dokumenteer die veldtog van majoor Victor Franke deur Ovamboland.

Die "Impalila-monument" gedenk die strafekspedisie van majoor Victor Franke in Oktober 1914 teen die Portugese fort van Impalila in Angola.^[2] Dit volg nadat 'n Duitse afvaardiging wat gestuur is om 'n verdrag van nie-aggressie te onderhandel vermoor is.

Die dorp lê naby die Gamkarab-grot, wat bekend is vir sy stalaktiete, stalagmiete en sy pietersiet (stormsteen). Die grotte is op privaatgrond en dus nie oop vir die publiek nie.

Sien ook

• NG gemeente Outjo
• Gereformeerde kerk Outjo
• Privaatskool Moria