Reeva Steenkamp

Reeva Rebecca Steenkamp (19 Augustus 1983 – 14 Februarie 2013) was 'n Suid-Afrikaanse model.^[1] Sy het sedert 2012 met die Olimpiese atleet Oscar Pistorius uitgegaan. Sy is op 14 Februarie 2013 by sy huis doodgeskiet. Pistorius is dadelik vir die moord in hegtenis geneem.^[2] Hy is uiteindelik op 12 September 2014 aan strafbare manslag skuldig bevind vir die voorval ^[3] en op 21 Oktober 2014 tot vyf jaar tronkstraf gevonnis.^[4] Op 24 November 2017 is hy in hoër hof tot dertien jaar en vyf maande tronkstraf gevonnis.^[5]

Reeva Steenkamp
Gebore	Reeva Rebecca Steenkamp 19 Augustus 1983 Kaapstad
Sterf	14 Februarie 2013 Pretoria
Nasionaliteit	Suid-Afrika
Beroep	Model
Ouer(s)	Barry en June

Steenkamp is op 19 Augustus 1983 in Kaapstad gebore, maar het in Port Elizabeth grootgeword. In 2005 verwerf sy 'n regsgraad van die Nelson Mandela Metropolitaanse Universiteit.

Die werklikheidsreeks Tropika Treasure Island, waaraan sy deelgeneem het, is aanvanklik geskeduleer om vanaf 16 Februarie, 2 dae na haar dood uitgesaai te word. Haar ouers het toestemming gegee dat die program soos beplan kon voortgaan.