Talk

Talk is mineraal wat tot die pirofilliet-talk-groep van die smektiete (klei) behoort.

Talk
Formule	Mg3Si4O10(OH)2
Onsuiwerhede	Ni, Fe, Al, Ca, Na, water
Kleur	kleurloos, wit, ook groenerig, groen, bruin
Streep	wit
Hardheid	1 (Mohs)
Digtheid	2,58 -2,83 g/cm3
Kristalsisteem	triklien
Ruimtegroep	P1
Eenheidsel	a = 5.29 Å, b = 9.173 Å, c = 9.46 Å, α = 90.46°, β = 98.68°, γ = 90.09°[1]
* Lys van minerale
Portaal Geologie

Dit is 'n magnesiumsilikaat wat baie sag is. As gesteente word dit seepsteen genoem. Dit kan maklik gesny word en word dikwels aangewend vir beeldjies soos van die Zimbabwe-voël by die ruïnes van Groot-Zimbabwe.^[2]

Dit kan egter ook maklik gepoeier word en talkpoeier word vir talle doele gebruik.

Struktuur

Die talk-struktuur

Talk se kristalstruktuur is gelaagd en bestaan uit twee tetraëdriese silikaatlae wat soos 'n toebroodjie 'n laag met magnesiumione bevat. Tussen die toebroodjielae bestaan net swak vanderwaalskragte, wat dit moontlik maak dat die lae maklik oor mekaar skuif. Dit gee ook aan die materiaal sy vetterige gevoel op die vel.