Shanghai Internasionale Renbaan

Die Shanghai Internasionale Renbaan is 'n motorrenbaan in Jiading, Shanghai, Volksrepubliek China, wat deur Hermann Tilke ontwerp is. Dit huisves sedert 2014 die Chinese Grand Prix wat 'n rondte van die Formule Een-wêreldkampioenskap vorm. Hierdie renbaan is gebaseer op die vorm van die Chinese karakter shàng 上 (hoogste; "shang" van "Shanghai").

Shanghai Internasionale Renbaan

Ligging	Jiading, Shanghai, Volksrepubliek China
Tydsone	UTC+08:00
Koördinate	31°20′20″N 121°13′11″O
Kapasiteit	200,000
FIA Gradering	1
Geopen	2004
Boukoste	¥2.6 miljard (VS$450 miljoen, €370 miljoen)
Argitek	Hermann Tilke
Groot byeenkomste	Formule Een Chinese Grand Prix MotoGP FIA Wêrelduithoukampioenskap 6-uur Shanghai Wêreldtoermotorkampioenskap Wedren van China V8 supermotors
Lengte	5.451 km (3.388 mi)
Draaie	16
Rondterekord	1:32.238 (Michael Schumacher, Ferrari, 2004)

Die baan was die duurste Formule Eenrenbaan toe dit in 2004 voltooi is, teen 'n koste van VS$240 miljoen.^[1][2] Die baan is 5.451 km lank^[3] met een van die moeilikste draaikombinasies op die Formule Eenkalender. Draaie 1 en 2 is saam 'n veeleisende 270 grade, 'n regshandige kombinasie wat hoë spoed by die ingang vereis, maar dan verder verskerp teen die uitgang.

Pylvak (regs) met die kuipe se uitgang in die middel

Die Shanghai Internasionale renbaan is ontwerp vir die hoogste rensnelhede van alle Formule 1-renbane tot op hede. Dit het ook 'n invloed gehad op die rempunte aan die einde van die lang pylvak, waar die baanoppervlak soms verkrummel het as gevolg van die ladings.