Shinkansen

Die Shinkansen (新 幹線) is 'n groot netwerk hoëspoedspoorlyne wat deur vier Japan Railways Group maatskappye in Japan bedryf word. Die netwerk, wat die modernste ontwerpe van hoëspoedtreine dra, het begin met die Tōkaidō Shinkansen (515.4 km, 320.3 myl) in 1964,^[1] is deurlopend uitgebrei en bestaan tans uit 2 616 km (1 625 myl) se lyne met 'n maksimumspoed van 240-320 km/h (150-200 mpu), 283.5 km (176.2 myl) van Mini-Shinkansen lyne met 'n maksimum snelheid van 130 km/h (80 mpu), en 10.3 km (6.4 myl) se sylyne met Shinkansen dienste.^[2]

Shinkansen

hoëspoed-spoor, train and rail category, handelsmerk, Schinnereseau

Subklas van	EMU, hoëspoedtrein, passenger train service, high-speed rail in Asia
Datum van stigting of ontstaan	1 Oktober 1964
Inheemse etiket	新幹線
Vehicle normally used	Shinkansen train
Land	Japan
Spoormeter	1435 mm spoormeter
Gewettig deur	Nationwide Shinkansen Railways Construction and Improvement Act
Tipe elektrifisering	25 kV, 50 Hz AC railway electrification, 25 kV, 60 Hz AC railway electrification
Unicode-karakter	🚅
Teenoorgestelde van	zairaisen
Het lys	list of vehicles operating on the Shinkansen lines
Category for the view from the item	Category:Views from Shinkansen
Kategorie vir kaarte	Category:Shinkansen maps

'n Paar JR West Shinkansentreine, Oktober 2008

Die netwerk verbind die meeste groot stede op die eilande van Honsjoe en Kyushu, met die konstruksie van 'n verbinding na die noordelike eiland Hokkaido byna voltooi. Die bynaam "bullet train" word soms in Engels gebruik vir hierdie hoëspoed treine.

Prestasies en statistiek

Die maksimum bedryfspoed is 320 km/h (200 mpu) (op 'n 387.5 km gedeelte van die Tōhoku Shinkansen).^[3] Toetsritte het wel 443 km/h (275 mpu) behaal op 'n konvensionele spoorlyn in 1996, en 'n wêreldrekord van 603 km/h (375 mpu) vir maglev treine in April 2015.^[4]

Die Tokaido Shinkansen is die wêreld se besigste hoëspoedspoorlyn. Dit vervoer 151 miljoen passasiers per jaar (Maart 2008)^[5] en het meer passasiers vervoer (meer as 5 miljard, hele netwerk oor die 10 miljard)^[6]as enige ander hoëspoedlyn in die wêreld. Tussen Tokio en Osaka, die twee grootste metropole in Japan, loop tot dertien treine per uur met sestien waens elk ('n 1323-sitplek kapasiteit) in beide rigtings met 'n minimum van drie minute tussen treine. Hoewel grootliks 'n langafstandvervoerstelsel, bedien die Shinkansen ook pendelaars wat vanaf afgeleë stede werk toe reis in die metropolitaanse gebiede.

Japan se Shinkansen-netwerk het die hoogste jaarlikse passasiersgetalle ('n maksimum van 353 miljoen in 2007) van enige hoëspoed-spoornetwerk tot 2011, toe China se hoëspoed-spoornetwerk dit oortref het met 370 miljoen passasiers per jaar. ^[7]