Thelonious Monk

Thelonious Sphere Monk^[2] (/θəˈloʊniəs/, 10 Oktober 1917^[3] - 17 Februarie 1982) was 'n Amerikaanse jazzpianis en -komponis. Hy het oor 'n unieke improvisatoriese styl beskik en verskeie werke bygedra tot die standaard repertorium van jazz, insluitende Round Midnight, Blue Monk, Straight, No Chaser, Ruby, My Dear, In Walked Bud, en Well, You Needn't. Na die werke van Duke Ellington is Monk se werke die tweede mees opgeneem.^[4]

Thelonious Monk
Monk by Minton's Playhouse, New York, 1947
Agtergrondinligting
Geboortenaam	Thelonious Sphere Monk
Gebore	(1917-10-10)10 Oktober 1917 Rocky Mount, Noord-Carolina, V.S.A.
Sterf	17 Februarie 1982 (op 64) Englewood, New Jersey, V.S.A.
Genres	Jazz cool jazz bebop hard bop
Beroep(e)	Musikant, komponis
Instrumente	Klavier
Jare aktief	1940's–1973[1]
Etikette	Blue Note Records, Prestige Records, Riverside Records, Columbia Records
Assosiasies	Milt Jackson, Miles Davis, Sonny Rollins, Oscar Pettiford, John Coltrane, Art Blakey
Webwerf	theloniousmonkmusic.com

Thelonious Monk, 1961

Thelonious Monk, 1964

Monk se komposisies en improvisasie bevat dissonansie en hoekige melodiese draaie en sluit aan by sy onortodokse benadering tot die klavier, wat perkussie gekombineer het met 'n abrupte, dramatiese gebruik van stiltes. Hierdie styl is nie algemeen bewonder nie; die digter en jazz kritikus Philip Larkin het neerhalend na hom verwys as "the elephant on the keyboard" .^[5]

Monk was bekend om sy kenmerkende kleredrag, wat pakke, hoede en 'n donkerbril ingesluit het. Hy was ook bekend vir 'n idiosinkratiese gewoonte tydens opvoerings: terwyl ander musici voortgegaan het om te speel sou Monk stop, opstaan, en vir 'n paar oomblikke dans, voordat hy sou terugkeer na die klavier.

Monk is een van vyf jazzmusikante wat op die voorblad van die tydskrif Time gepryk het (die ander was Louis Armstrong, Dave Brubeck, Duke Ellington en Wynton Marsalis).^[6][7]

Diskografie

Die hoofartikel vir hierdie afdeling is: Diskografie van Thelonious Monk.