Twintig20

Twintig20 (afgekort T20) is 'n vorm van krieket waar twee spanne elk 20 boulbeurte kry om vinnig soveel lopies moontlik te slaan. Dit is 'n relatief nuwe vorm van krieket en 'n wedstryd neem gewoonlik nie langer as drie ure nie. Twintig20 is in 2003 in Engeland bekendgestel. Die doel van die korter formaat is om krieket aantrekliker vir televisiekykers te maak.

'n Twintig20-wedstryd tussen Engeland en Sri Lanka in volle swang. Twintig20-wedstryde word as gevolg van die korte duur daarvan dikwels in die aand en dus met 'n wit bal gespeel

'n Indiese Premierligawedstryd op die Chepaukstadion tussen Chennai Super Kings en Kolkata Knight Riders

Die Sri Lankaanse Lasith Malinga boul teen die Pakistanse Shahid Afridi tydens die T20I-wêreldbeker 2009 se eindstryd op Lord’s in Londen

Perth Scorchers teen Hobart Hurricanes by die WACA tydens die BBL 01 (2011)

Sedert 2005 word Twintig20-wedstryde in internasionale verband gespeel (T20I). Sedert 2007 word daar ook in die T20I-wêreldbeker aangebied, sedert 2009 ook vir vroue. Die mees onlangse T20I-wêreldbeker 2024 is in die Verenigde State en Wes-Indië aangebied en deur Indië gewen.

Plaaslik

Dit is 'n lys van die huidige Twenty20-binnelandse kompetisies in verskeie van die voorste krieketlande.

Nasie	Plaaslike kompetisie	Aantal spanne
Afghanistan	Afghanistan Premierliga, Shpageeza Krieketliga	5, 6
Australië	Big Bash League	8
Bangladesj	Bangladesj Premierliga	8
Engeland	T20 Blast	18
Hongkong	Hongkong T20 Blitz	5
Ierland	Inter-provinsiale trofee	4
Indië	Indiese Premierliga, Syed Mushtaq Ali-trofee	10, 38
Kanada	Globale T20 Kanada	6
Nederland	Nederlandse Twintig20-beker	16
Nieu-Seeland	Super Smash	6
Nepal	Nepal Premierliga	8
Pakistan	Pakistanse Superliga, Nasionale T20-beker Kashmir Premierliga	6, 6, 8
Skotland	Murgitroyd Twintig20, Regional Pro Series	4, 3
Sri Lanka	Sri Lanka Premierliga	5
Suid-Afrika	Mzansi Superliga, CSA Provinsiale T20 Cup, SA20	6, 15, 6
Verenigde Arabiese Emirate	Internasionale Liga T20	6
Verenigde State	Major League Cricket	6
Wes-Indië	Karibbiese Premierliga	6
Zimbabwe	Stanbic Bank 20 Series	4

Eksterne skakels

• Wikimedia Commons het meer media in die kategorie Twintig20.
• (en) "Twenty20 cricket". Encyclopædia Britannica. Besoek op 13 November 2022.