Tylecodon bodleyae

Tylecodon bodleyae is 'n plant wat endemies aan Suid-Afrika is en in die Noord-Kaap provinsie voorkom. Op die SANBI-rooilys word dit as 'kritiek bedreigde' (CR B1ab(v)+2ab(v)- spesie gelys.^[1]

Klipnenta
Tylecodon bodleyae
Bewaringstatus
Kritiek bedreig  (IUCN 3.1)
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Core eudicots
Orde:	Saxifragales
Familie:	Crassulaceae
Genus:	Tylecodon
Spesie:	T. bodleyae
Binomiale naam
Tylecodon bodleyae van Jaarsv., (1992)

Dit is 'n vetplant wat net in die struikgebied van Vyftienmyl se Berge naby Port Nolloth voorkom en bedreig word deur versamelaars vir die handel in vetplante. Dit groei op kwartsitiese sandsteenklowe op die hange wat op die suide uitsien. Dit word saam met die vygie Conophytum bolusiae gevind.

Dit is 'n dwergvetplantjie wat 10cm hoog word en groei uit 'n uitsonderlik geswolle wortelstok groei. Dit is dalk nie voldoende verskillend van Tylecodon similis nie. Die spesie is na Elise Bodley van Wyk (1922-1997) genoem wat Tylecodon-spesies geskilder het.^[2]