Willem-Alexander van die Nederlande

Willem-Alexander Claus George Ferdinand, Koning van die Nederlande, Prins van Oranje-Nassau, Jonkheer van Amsberg (gebore op 27 April 1967) is sedert 30 April 2013 die koning (staatshoof) van die Koninkryk van die Nederlande (bestaan uit Aruba, Curaçao, Nederland en Sint Maarten). Hy was sedert 1980 die troonopvolger van die Koninkryk van die Nederlande. Willem-Alexander is die oudste kind van Koningin Beatrix en Prins Klaus van Amsberg en is sedert sy vader se dood in 2002 die hoof van die Huis van Amsberg.

Willem-Alexander
Koning van die Nederlande[1]
Willem-Alexander
Vorstehuis	Oranje-Nassau
Regeer	30 April 2013 – huidig
Inhuldiging	30 April 2013
Voorganger	Beatrix van Nederland
Volle naam	Willem-Alexander Claus George Ferdinand
Gebore	27 April 1967; Utrecht, Nederland
Eggenoot	Máxima Zorreguieta
Kinders	Catharina-Amalia Alexia Ariane
Vader	Claus van Amsberg
Moeder	Beatrix van Nederland
Religie	Christendom, Protestantisme

Willem-Alexander het in die Koninklike Nederlandse Vloot gedien en in geskiedenis aan die Universiteit van Leiden gestudeer. Hy is in 2002 met Máxima Zorreguieta Cerruti getroud. Hulle het drie dogters: prinses Catharina-Amalia (gebore 2003), prinses Alexia (gebore 2005) en prinses Ariane (gebore 2007).

Op 28 Januarie 2013 kondig sy moeder aan dat sy op 30 April 2013, op Koninginnedag, gaan abdikeer.^[2] Willem-Alexander het haar in die posisie as koning opgevolg. Nadat hy die troon bestyg het, het hy die eerste koning sedert die dood van sy groot-oupagrootjie, Willem III in 1890, geword.^[3]

Volledige titel

• Koning der Nederlande
• Markies van Veere en Vlissingen
• Graaf van Katzenelnbogen, Vianden, Diez, Spiegelberg, Buren, Leerdam en Culemborg
• Burggraaf van Antwerpen
• Baron van Breda, Diest, Beilstein, die stad Grave, die Land van Cuijk, IJsselstein, Cranendonck, Eindhoven, Liesveld, Herstal, Waasten, Arlay en Nozeroy
• Vryheer van Ameland
• Heer van Borculo, Bredevoort, Lichtenvoorde, Loo, Geertruidenberg, Klundert, Zevenbergen, Hooge en Lage Zwaluwe, Naaldwijk, Polanen, Sint-Maartensdijk, Soest, Baarn, Ter Eem, Willemstad, Steenbergen, Montfort, St. Vith, Bütgenbach, Niervaart, Dasburg, Turnhout, Besançon.