Kaapse glasogie

Die Kaapse glasogie (Zosterops virens) is 'n algemene spesie van standvoël wat in boomveld, woude, ruigtes, plantasies en tuine in Suider-Afrika voorkom. Die voël is 11 sentimeter groot en weeg 11 gram. In Engels staan die voël bekend as die Cape white-eye.

Kaapse glasogie Kaapse witogie
Die twee subspesies, naamlik Z. v. virens (bo) en Z. v. capensis (onder)
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Passeriformes
Familie:	Zosteropidae
Genus:	Zosterops
Spesie:	Z. virens
Binomiale naam
Zosterops virens Sundevall, 1850[1]
verspreiding[2][3]      Z. v. virens      Z. v. capensis

Die Gariepglasogie (Z. pallidus) is voorheen as dieselfde spesie as Z. virens beskou, maar word nou as 'n aparte spesie geag.

Taksonomie

Subspesie Z. v. capensis

Daar is twee subspesies:

• Z. v. capensis – suidwestelike Suid-Afrika en Lesotho en aangrensende westelike KwaZulu-Natal
• Z. v. virens – oostelike en suidoostelike Botswana, oostelike en noordelike Suid-Afrika, en Eswatini en aangrensende suidwestelike Mosambiek

Die subspesies hibridiseer wanneer hulle in kontak met mekaar kom.

Ander name

Van die streeksname vir die voël sluit in: meelogie, kersogie, ringogie en piet-la-pok.^[4]

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name

Bron

• Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-928-1