55 PB
From Wikipedia, the free encyclopedia
From Wikipedia, the free encyclopedia
Mit 55 PB bezeichnet mr da erschda beweglicha Schbiilzeigbära vo dr Firma Steiff.
Dialäkt: Schwäbisch |
Dr Richard Steiff (1877 bis 1939), oiner vo de Neffa vo dr Firmagrindere Margarete Steiff, hôt des Kenderschbiilzeig nôch-em Vorbild vo-ma Braunbära entworfa, wo-nr dômôls em privada Zoo „Tiirgarda Nill“ en Stuegert gseha hôt. Wia-mr vo dr Tipabezoichnong her seha kô, ischt seller Bär 55 cm grauß gwäa ond us-em Gewebematrial Plisch gmacht.[1] Seine Ärm ond Fiaß send mit Bendfäde uffghängt, sodass des Stoffdiirle zemlich beweglich gwäa ischt.
Em Jôhr 1903 hôt z Leipzig a graußa Schbiilwara-Messe staddgfonda. Deet hôt dr Richard Steiff au sein Plisch-Bära präsendiirt. De deitsche Eikaifer uff dera Mess hend dean Bära abr kaum beachdet. A amerikanischer Hendler abr ischt voll begeischtret gwäa, wia-nr dean Bära gseha hôt. Drom hôt’r glei älle Ausstellongs-Exemplar uffkauft on noh weidere 3.000 Stick drvoo bschdellt. Drei Jôhr schbätr hôt des Schbiilzeig da Nama „Teddy-Bär“ odr kurz „Teddy“ kriagt, benannt nôch-em amerikanischa Präsidenda Theodore „Teddy“ Roosevelt.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.