Bedretto
From Wikipedia, the free encyclopedia
Bedretto (lombardisch Büdree) isch e Gmai im Kanton Tessin in dr Schwyz. Si ghert zum Chrais (circolo) Airolo im Bezirk Leventina.
| Bedretto | |
|---|---|
 | |
| Basisdate | |
| Staat: | Schwiiz |
| Kanton: | Tessin (TI) |
| Bezirk: | Leventina |
| Kreis: | Airolo |
| BFS-Nr.: | 5063 |
| Poschtleitzahl: | 6781 |
| Koordinate: | 682753 / 150421 |
| Höchi: | 1'402 m ü. M. |
| Flächi: | 75,2 km² |
| Iiwohner: | 94 (31. Dezämber 2022)[1] |
| Website: | www.bedretto.ch |
 Bedrettodal | |
| Charte | |
 | |
Bedretto lyt weschtli vu Airolo im Bedrettodal. Zue Bedretto ghere d Wyler Ossasco, Villa Bedretto (dt. Romig bzw. Romegg), Bedretto, Ronco Bedretto un All'Acqua. S Rothuus stoht z Villa Bedretto.
Bedretto isch zum erschte Mol gnännt wore anne 1210 as Bedoledo. Scho in dr eltschte Urkunde wird Bedretto as sälbständigi Gmai gfiert. Anne 1227, wu in dr Dalschaft Leventina d Alpe ufdailt wore sin, het Bedretto e Nochberschaft bildet, aber kai aigeni Alp iberchuu. Im nämlige Johr wird Gmai au as sälbstständigi Pfarrei gnännt.
Dr Burgermaischter (Sindaco) vu Bedretto isch dr Diego Orelli.
Quälle: Bundesamt für Statistik 2005[2] Wel d Lyt friejer scho nit hän chenne läbe vum Buure, hän si mieße saisonal uuswandere go z Italie oder z Frankrych as Maronibroter, Chellner oder Huusdiener z schaffe.
Hite het d Gmai nume no wenig Yywohner, zum greschte Dail Seniore. S Dal isch in dr Wintermonet vimol vu dr Ussewält abgschnitte un bietet kai Arbetsmegligkaite, wäge däm wandere di Junge ab. No dr Volkszellig vu 2000 isch Bedretto d Gmai in dr Schwyz mit em hechschte Aadail an iber 65-jehrige.
| Johr | 1850 | 1860 | 1870 | 1880 | 1888 | 1900 | 1910 | 1920 |
| Yywohner | 388 | 334 | 308 | 254 | 247 | 257 | 242 | 244 |
| Johr | 1930 | 1941 | 1950 | 1960 | 1970 | 1980 | 1990 | 2000 |
| Yywohner | 275 | 263 | 213 | 148 | 117 | 77 | 50 | 72 |
Dr lombardisch Dialäkt vu Bedretto ghert zum Ticinese.
- Chilche SS. Martiri Maccabei, Villa (19. Jh.)
- Giovanni Orelli (* 1928 z Bedretto), Schriftsteller
- Offizielli Website vo Betretto
- Mario Fransioli: Bedretto. In: Historisches Lexikon vo dr Schwiiz..
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
