FC Augsburg
e dütsche Sportverein / From Wikipedia, the free encyclopedia
Der FC Augsburg (offiziell Fuessball-Club Augsburg 1907 e. V., churz FCA) isch e dütsche Sportverein.
Dialäkt: Bärndütsch |
FC Augsburg | ||||
Ganze Name | Fußball-Club Augsburg 1907 e. V. | |||
Ort | Augsburg, Bayern | |||
Gründet | 8. August 1907 | |||
Vereinsfarbe | Rot, Grüen, Wyss | |||
Stadion | WWK-Arena | |||
Plätz | 30.660 | |||
Vorstand | Markus Krapf Jakob Geyer Gerhard Ecker Raphael Brandmiller | |||
Geschäftsfüehrig | Michael Ströll | |||
Trainer | Jess Thorup | |||
Homepage | fcaugsburg.de | |||
Liga | Bundesliga | |||
2022/23 | 15. Platz | |||
|
Der Verein isch im Jahr 1969 us der Fusion vom BC Augsburg, wo am 8. Ouguscht 1907 under em Name FC Alemannia gründet worden isch, mit der Lizänzspiilerabteilig vom TSV Schwaben Augsburg entstande. Der Club gliideret sech i Houptverein Fuessball-Club Augsburg 1907 e. V., di usglagereti Profifuessballabteilig Fuessball-Club Augsburg 1907 GmbH & Co. KGaA sowi di usglagereti Skiabteilig Ski- u Bärgfründe vom FCA e. V. D Vereinsfarbe sy Rot, Grüen u Wyss. Uf em Vereinslogo isch e Zirbelnuss abbildet, die isch em Stadtwappe entno worde. Zu de bekanntischte Persönlechkeite vom Verein zelle d Trainer Max Merkel, Thomas Tuchel u Armin Veh u d Spiiler Ulrich Biesinger, Karl-Heinz Riedler, Bernd Schuster u Helmut Haller. Als gröschten Erfolg vo der Vereinsgschicht gilt der Ufstig i d Bundesliga im Jahr 2011 u der Yzug i d Europa League im Jahr 2015.
Di erschti Mannschaft vom FCA spiilt syt der Saison 2011/12 i der Bundesliga u beleit i dere Ewige Tabälle der Platz 27.[1] Di zwöiti Mannschaft spiilt i der Regionalliga Bayern. Es exischtiert ou e Frouen- u e Junioreabteilig sowi ne Traditionsmannschaft. Di erschti Mannschaft treit ihri Heimspiil i der WWK-Arena us. Di wytere Spiilorte vom FCA sy ds Rosenoustadion u d Bezirkssportalag Poul Renz. Der FCA het rund 17.500 Duurchartebsitzer,[2] 24.186 Mitgliider u meh als 75 offizielli Fanclubs.