Gymnasium am Münsterplatz

S Gymnasium am Münschderblatz (früehner S Humanistische Gymnasium (HG), Pädagogium, Münschderschuel, Schuel uf Burg) isch s eltischte Gymnasium vo der Schdadt Basel und eins vo de eltischte in der Schwiiz. Am 1. April 1529 het dr Groosse Root beschlosse, ass d Schdadt d Bildig wurd vo dr Chille übernoh; d Schuel isch aber erscht 1589 gründet worde. Si befindet sich am Münschderblatz wisawii vom Basler Münschder. Im Schueljohr 2007/2008 si öbbe 300 Schüelere und Schüeler in fümf Klasseschduefe uf s Gymnasium gange. Dr neu Räkter vo der Schuel isch sit em Summer 2007 dr Eugen Krieger (* 1973).

Gymnasium am Münschderblatz
s Gymnasium am Münschterblatz vom Basler Münschter us gseh
Schueltyp	Gymnasium
Gründigsjohr	1589
Adräss	Gymnasium am Münsterplatz Münsterplatz 15 Postfach 4001 Basel
Ort	Basel
Kanton	Basel-Stadt
Staat	Schweiz
Koordinate	611487 / 26728547.5561837.591242
Schüelerzahl	~ 300
Lehrerzahl	~ 60
Website	www.gmbasel.ch

Dialäkt: Baseldütsch

Gschicht

D Schuel het in der Schdadt ä guete Ruef und isch zwüsche 1600 und 1900 eini vo de wichtigschte und bekanntischte Schuele im dütschschbroochige Ruum gsi. Dr Friedrich Nietzsche und dr Jacob Burckhardt si Lehrer dört gsi. Nume Buebe si do uf d Schuel gange und ihre Schwerpunggt si die alte Schbrooche gsi: Latiinisch, Griechisch und Hebräisch.

Vo 1930 a het d Schuel s Humanischdische Gymnasium (HG) gheisse. Sit 1968 dörfe au Maitli do lehre, und 1973 het die erschdi Schüelere d Matur beschdande. Sit dr kantonale Schuelreform vo 1997 heisst d Schuel Gymnasium am Münschderplatz. Hützudag cha mä näbem Latiinische und Griechische au Spanisch und PPP (Philosophii, Psychologii und Pedagogik) as Schwerpunggtfach uusläse.

Berüehmti Persönlikeite

Räkter

• Thomas Platter der Ältere (1499–1582), Humanischt
• Johann Bernoulli (1667–1748), Mathematiker
• Hans Gutzwiller (1913–1988), Altphilolog

Lehrer

• Alexandre Vinet (1797–1847), Theolog
• Christian Friedrich Schönbein (1799–1868), Chemiker
• Jacob Burckhardt (Lehrer und Schüeler, 1818–1897), Historiker
• Friedrich Nietzsche (1844–1900), Philosoph
• Beat Raaflaub (*1946), Dirigent
• Jennifer Rudin (*1978), Pianischtin, Sängere, Germanischtin

Schüeler

• Johann Rudolf Wettstein (1594–1666), Politiker
• Jakob Bernoulli (1655–1705), Mathematiker
• Daniel Bernoulli (1700–1782), Mathematiker
• Leonhard Euler (1707–1783), Mathematiker
• Johann Peter Hebel (1760–1826), Dichter
• Arnold Böcklin (1827–1901), Moler
• Carl Spitteler (1845–1927), Schriftschteller
• Alfred Dreyfus (1859–1935), ä französische Offizier (Dreyfus-Affäre)^[1]
• Carl Gustav Jung (1875–1961), Psycholog
• Hans Bernoulli (1876–1959), Architekt (Nationalroot)
• Hans-Peter Tschudi (1913–2002), Politiker (Regierigsrat z Basel, Bundesroot)
• Lukas Vischer (*1926), Theolog
• Hans Fünfschilling (*1940), Politiker (Regierungsrat Baselland, Schtänderoot)
• Thüring Bräm (*1944), Komponischt
• François Conod (*1945), Schriftschteller
• Moritz Leuenberger (*1946), Politiker (Bundesroot)
• Felix Gutzwiller (*1948), Politiker (Schtänderoot)
• Hans Martin Tschudi (*1951), Politiker (Regierigsroot z Basel)
• Rudolf Rechsteiner (*1958), Politiker (Nationalroot)
• Black Tiger (*1972), Rapper
• Nubya (*1974), Sängere
• Lukas Engelberger (*1975), Politiker

Weblingg

• Gymnasium am Münsterplatz

Fuessnote

1. Quelle: Heiko Haumann: Juden in Basel und Umgebung. Schwabe Verlag Basel 1999. pg23

Maturitäts- und Mittelschuele vom Kanton Basel-Stadt Schdaatligi Maturitätsschuele: Fachmaturitätsschuel Basel | Gymnasium Bäumlihof | Gymnasium Kirschgarte | Gymnasium Leonhard | Gymnasium am Münschderblatz | Wirtschaftsgymnasium Basel Privati und anderi Mittelschuele: Christligi Bekenntnisschuel Basel | S Freie Gymnasium Basel | Minerva-Schuele Basel | Rudolf-Steiner-Schuel Basel

Dä Artikel basiert uff ere fräie Übersetzig vum Artikel „Gymnasium_am_Münsterplatz“ vu de dütsche Wikipedia. E Liste vu de Autore un Versione isch do z finde.