S Schiff Adventure, wo mit em James Cook d Südsee erforscht het
From Wikipedia, the free encyclopedia
D HMS Adventure isch e Bark vo dr Royal Navy gsi und äins vo de bäide Schiff, wo dr James Cook mit ene si zwäiti Expedizion (1772–1775) in d Südsee gmacht het. Si isch vom Tobias Furneaux kommandiert worde und isch s erste Schiff gsi, wo vo Weste gege Oste rings um d Wält gfaare isch.
D Resolution und d Adventure in dr Matavai Bucht | ||||||||||||
| ||||||||||||
| ||||||||||||
| ||||||||||||
|
D Adventure' isch 39,7 m lang gsi und isch 1771 z Whitby as Marquis of Rockingham in Dienst gstellt worde. Churz druf het d Navy si kauft und iire zerst dr Naame Rayleigh und denn Adventure gee.
D Resolution und d Adventure si us Plymouth am 13. Juli 1772 abgfaare und häi am 17. Januar 1773 dr südlig Wändikräis überkweert. Am 8. Februar 1773 häi sich d Schiff im ene Nääbel drennt. Dr Tobias Furneaux isch zum Dräffpunkt im Queen Charlotte Sound wo abgmacht gsi isch gfaare und het underwägs d Küste vo Tasmanie erforscht. D Adventure isch am 7. Mai 1773 am Dräffpunkt aachoo, d Resolution zää Dääg spööter.
Wo si dr Pazifik erforscht häi häi d Schiff am 22. Oktober wider dr Kontakt zuenander verloore. Au am Dräffpunkt häi si sich nid droffe und dr Furneaux het entschlosse Häim z faare. D Räis isch am 14. Juli 1774 fertig gsi.[1] [2] [3]
Im Joor 1780 isch d Adventure as Lüüchtfüürschiff iigsetzt worde, 1783 het sä d Navy an iire alte Bsitzer z Whitby verchauft und si isch wider as Frachtschiff iigsetzt worde. 1811 het si im Sankt-Lorenz-Strom Schiffbruch erlitte.