Klaus Johannis

Dr Klaus Werner Johannis (rumänisch Iohannis; * 13. Juni 1959 z Hermannstadt) isch en rumänische Bolitiker un vu 2014 bis Februar 2025 Bresidänt vu Rumänie gsii.

dr Klaus Johannis, 2015

Dr Johannis gheert dr rumäniedytsche Volksgruppe vu dr Sibeburger Sachse aa. Vu 2000 bis 2014 isch er Burgermaischter vu Hermannstadt gsii. Am 28. Juni 2014 isch er Vorsitzer vu dr Nationalliberale Bartei (PNL) wore un het dodruf bi dr Bresidäntschaftswahle 2014 kandidiert.^[1][2] Noch em erschte Wahlgang am 2. Novämber 2014 isch er rund zeh Brozäntpinkt hinter em domolige Minischterbresidänt Victor Ponta gläge, wu s absolut Mee verbasst gaa het. Us dr Stichwahl am 16. Novämber 2014 isch derno dr Johannis as Gwinner firigange.^[3] 2019 isch er mit iber 60 Brozänt vu dr Stiumme widergwehlt wore.^[4]

Weblink

 Commons: Klaus Johannis – Sammlig vo Multimediadateie