Liste vo de Länder noch em Bruttoinlandsbrodukt bro Chopf
Wikimedia-Liste / From Wikipedia, the free encyclopedia
D Liste vo de Länder noch em Bruttoinlandsbrodukt bro Chopf enthaltet e gordneti Dabälle vom nominaale Bruttoinlansbrodukt bro Chopf noch Schetzigen vom Internazionaale Wäärigsfoo. Alli Daate si in US-Dollar zu offizielle Wäggselkürs und au mit gliicher Chaufchraft berächnet (KKP) in internazionaale Dollar aagee. Länder, wo s für sä käni Informazioone git, chömme nid voor (Bemerkige lueg witer unde). E baar bolitischi Äihäite, wo sust nit as Länder aagluegt wärde oder won e umstrittene politische Status häi, si in dr Dabälle enthalte so dass mä cha vergliiche.[2]
>$50.000
$35.000–50.000
$20.000–35.000
$10.000–20.000 |
$5.000–10.000
$2.000–5.000
<$2.000
keine Info verfügbar |
S Bruttoinlandsbrodukt bro Chopf wird vilmol brucht, zum dr Lääbensstandard im ene Land iizschetze,[3][4] isch aber für daas nid seer gäignet, will s BIP bro Chopf nid persöönligs Iikomme misst.[5]
Bi Vergliich zwüsche Nazioone wird vilmol Bezuug uf d Chaufchraft gnoo und eso dr Underschiid wäge de Lääbeschöste in de verschiidene Länder uusegrächnet. Anderi Brobleem bliibe: d Wärtschöpfig dur internazionaale Handel wird nid in Betracht zooge, und zuesätzligi Parameter müesse gschetzt wärde as bim BIP.