Nina Mavis Brunner

D Nina Mavis Brunner (* 25. April 1981 z Schänis) isch e Schwyzer Färnsehschurnalischti un Moderatori. Mer chännt si syt 2006 as Moderatori vum Wuchemagazin Schwyzwyt uf 3sat. Syt 2010 presäntiert si s Färnsehmagazin Tonspur – Der Soundtrack meines Lebens.^[1]

d Nina Mavis Brunner (2019)

Lääbe

D Brunner het in dr Oschtschwyz d Wirtschaftsmatura abglait un no an dr Uniwersitet Züri Ethnology un Filmwisseschaft studiert. Scho in dr Zyt vum Studium het si ne Praktikum bi TV Berlin gmacht.^[2] Noch em Studium het si zerscht bi B&B Endemol Shine z Züri as Redakteuri un Moderatori vu Sport- un Nochrichtesändige gschafft. No andere berueflige Statione bim BR un in dr Redaktion vu dr Rundschau bim Schwyzer Färnseh isch si 2005 in d Schwyzer Redaktion vum Sänder 3sat gwägslet. Dert het si unter anderem Bydreg fir d Sändig Kulturzeit gmacht un het vum Wältwirtschaftsforum uf Tavaas brichtet. Syt Jäner 2006 presäntiert si d Sändig Schwyzwyt, 2007 het si d Sändig denkmal moderiert.^[3] Syt Augschte 2010 isch si Moderatori vum Format Tonspur – der Soundtrack meines Lebens, derzue het si dr Thementag: Abenteuer Alpen uf 3sat moderiert. Syt em 6. Februar 2017 moderiert si uf 3sat, im Wägsle all Wuche mit drei andere Moderatore*ne, d Sändig Kulturzyt.

Weblink

• Kulturplatz: Nina Mavis Brunner uf srf.ch
• Moderatoren: Nina Mavis Brunner uf das-blaue-sofa.de
• Nina Mavis Brunner uf lauschig.ch
• Video Kultur: Nina Mavis Brunner uf 3sat.de (Kulturzeit)
• Nina Brunner in dr Internet Movie Database