Oberuschter (amtlich: Oberuster) isch än ehemaligi Zifilgmeind und äs Quartier fo dä Stadt Uschter im Kanton Züri.
| Oberuschter | |
|---|---|
 | |
| Basisdatä | |
| Staat: | Schwiiz |
| Kanton: | Züri (ZH) |
| Bezirk: | Uschter |
| Gmeind | Uschter |
| PLZ | 8613 |
| Koordinate: | 697655 / 244953 |
| Höchi: | 472 m ü. M. |
| Flächi: | ca. 5 km² |
| Iiwohner: | 5000 (31. Dezember 2008)[1] |
| Website | www.oberuster-nossikon.ch |
_319.jpg) Oberuschter fom Burghügel uus gsee | |
| Charte | |
 | |
Geografy
Oberuschter lyt am Uufer fo dä Uschtermer Aa, weschtlich fom Stadtzäntrum fo Uschter im sogenannte Aatal. Di südlichi Gränze bildeät dä Tämbrig, en Hügel fonärä Höchi fo 522 m ü.M., fo wo uus mä cha über di ganzi Stadt, dä Gryfesee und s Glatttal gsee.
Wappe
S Wappe fo Oberuschter isch än uusgschnittne silbrige Baum uf blauem Grund. Es git nu äin Belegt fo däm Wappe, nämlich äs bild über dä Tüür fom alte Schuelhuus fo Oberuschter. D Farbgebig isch unsicher, da s Wappe bi änre Renovation fom Schuelhuus aagmalet worden isch. Dä Baum grüen, dä Stamm brun und dä Hintergrund blau. Das can aber us heraldischer Sicht nöd sy. Dä Stadtrat fo Uschter hät am 13. Juli 1976 offfizell beschlosse, dass dä Baum silbrig uf blauem Grund sig.[2]
Fercheer
Oberuster isch dur di bäidä Busslinie 813, und 845, wo noi im Fiärtälschtundätakt faaräd, as fom dä ZOV öffäntliche Fercheersnetz aagschlosse. Dur Oberuschter füert d Kantonsstrass fo Uschter durs Aatal nach Wetzike, und in Oberuschter befindät sich dä Autbahnaschluss Uschter-Wescht fo dä A53. Obwohl d Zugliniä fo dä SBB fo Uschter nach Rapperswil zmizt dur Oberberuschter füert und s Quartier zweitäilt, hät Oberuschter ä käin eigägnä Bahnhof däfüur fiär Nivoübärgäng, wo mä oft ewig for dä gschlössänä Barriere warte muäss.
Infraschtruktur
Oberuschter besitzt än Coop-Supärmarkt, ä Bäckerei, ä Poscht und mehreri Beize. In Oberuschter git s ä Primarschuäl, än Chindsgi, ä Chrippä, s Altershäim Rosegarte, än Fuässballplatz und dä Abentürschpillplatz Holzwurm. S git än Quartiärferäin, wo ferschidäni Aläss und ä d Erschtauguschtfyr uf äm Tämbrig organisiärt. Dur Oberuschter füärt dä Industryleerpfad Züri Oberland, fo dem in Oberuschter ferschidäni interessanti Objekt exischtiäräd.
Gschicht
Oberuschter isch dä Chern fo dä erschtä mänschnliche Sidlige uf äm Stadtgebiät fo Uschter gsy. S ätischti Geboide im hütige Oberuschter isch s Fabrikgeboide namens Öle. Es hät fo 1636 bis 1884 as Prässi für Raps und anderi Produkt dient. Nachher hät d Spinnerei Hueber d Halle als Werkschtatt übernoo.[3]
Bis Aafang nünzäts Jahrhundärt isch Oberuschter än äigäni Zifilgmeind gsy. Am 9. Juli 1927 sind id ehemalige Zifilgmeinde fo Uschter zur politische Gemind Uschter feräint worde.[4]
Bilder
de Nivoübergang z Oberuster
d Primarschuäl Oberuster
s Portugisische Reschtärant z Oberuster
de Drachä uf äm Abentürspillplatz Holzwurm (Lignovermo)
d Poscht Oberuster
de Sitz fo dä Allsprachendienst Esperanto GmbH
d Bäckerei Brüschweiler z Oberuschter
s Altersheim Rosegarte
dä Schtorch fo Obäruschtär uf äm Fabrikchämi
dä Schtorch fo Obäruschtär uf äm Fabrikchämi, im Fordergrund äm Trödlär sin Ladä
Weblink
Referänze und Quälle
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
