Schlacht bei den Thermopylen (Perserkriege)

Die meerdäägigi Schlacht bi de Thermopyle het am Aafang vom Zwäite Perserchrieg, vermuetlig um e 11. August 480 v. d. Z. ume, stattgfunde.

Ersti Schlacht bi de Thermopyle
Deil vo: Perserchrieg
D Thermopyle hüte (in dr Antike isch s Meer über d Strooss uuse gange)
Datum 11. August 480 v. d. Z. Ort Thermopyle, Middelgriecheland Usgang Siig vo de Perser
Konfliktparteie
Mitgliider vom Hellenebund: Spartiate, Arkadier, anderi Peloponnesier, Phoker, Lokrer, Thespier, Thebaner	Perser und Wassalle
Befählshaber
Leonidas I. †	Xerxes I.
Truppesterki
öbbe 6'200 Schwerbewaffneti und Hilfsdrubbe[1]	umbekannt, modärni Schetzige gönge vo weeniger as 50'000 bis 250'000
Verlust
um 1'000 Schwerbewaffneti (300 Spartiate und 700 Thespier), im Ganze öbbe 4'000[2]	umbekannt und strittig

Perserchrieg
Lade – Marathon – Thermopyle – Artemision – Salamis – Plataiai – Mykale – Eurymedon

D Thermopyle si en Ängbass zwüschen em Kallidromos-Gebirg und em Golf vo Malia gsi und häi groossi strategischi Bedütig ghaa. In dr Antike isch dr Ängbass im Durchschnitt 15 Meter bräit gsi an de bäide ängste Stelle nume e baar Meter. Sithär isch s Gebiet versandet und isch hüte meereri Kilometer bräit.

480 v. d. Z. isch e groossi persischi Armee under em Köönig Xerxes I. vor däm Ängbass gstande. Si isch seer vil gröösser as die griechischi Armee gsi. D Perser häi mit dr Hilf vom ene griechische Verrööter e Wääg um d Thermopyle ume gfunde und häi schliesslig d Grieche chönne in d Chlammere nee und zruggdriibe. Im spartanische Köönig Leonidas sini dreihundert Hoplite und e baar Hundert us andere Stedt si bi de Thermopyle bliibe und häi dr Rückzuug vo de mäiste andere Grieche mööglig gmacht, si si aber schliesslig alli im Kampf umchoo.

Dr Xerxes I. het denn gege Athen chönne marschiere. Dr Themistokles het d Stadt lo ewakuiere und d Perser häi sä blünderet und zerstöört. In de Schlachte bi Salamis und Plataiai hä d Grieche d Perser gschlaage und verdriibe.

Wäge dr Schlacht bi de Thermopyle het Sparta dr Ruef üüberchoo, ass sini Soldate im Kampf nie wurde wiiche.

Litratuur

• Ernle Bradford: Leonidas: Held der Thermopylen. Ullstein, 1991, ISBN 3-548-34764-9.
• Karl-Wilhelm Welwei: Sparta. Stuttgart 2004.
• Albertz, Anuschka: Exemplarisches Heldentum. Die Rezeptionsgeschichte der Schlacht an den Thermopylen von der Antike bis zur Gegenwart, Münche 2006.

Weblinks

 Commons: Erste Schlacht bei den Thermopylen – Sammlig vo Multimediadateie

• Jona Lendering: Artikel. In: Livius.org (änglisch)

Fuessnoote

1. Herodot: Historie VII, S. 202 f.
2. Herodot: Historie Buech VIII, S. 25

38.79666666666722.536555555556