From Wikipedia, the free encyclopedia
Schlossrued (uusgschbroche [ˈʃlɔs.ruəd])[2] ische Gméind im Bezirk Chom im Schwiizer Kanton Aargou. Si liit im Ruederdaal im Süde vom Kantòon.
Schlossrued | |
---|---|
Basisdate | |
Staat: | Schwiiz |
Kanton: | Aargau (AG) |
Bezirk: | Choom |
BFS-Nr.: | 4142 |
Poschtleitzahl: | 5044 |
Koordinate: | 649397 / 238069 |
Höchi: | 499 m ü. M. |
Flächi: | 7.25 km² |
Iiwohner: | 840 (31. Dezämber 2022)[1] |
Website: | www.schlossrued.ch |
Schlossrued | |
Charte | |
D’Gméind liit im ungere Téil vom Ruederdaal, wo ds Bächli Ruederche dürefliessd, u isch uf bédne Sitene vo Hügelchéttine begränzd. Dr Daalbode isch im obere Déil nür knapp 50 Mèter bréit, wird aber jè mèh s’gäg abe géit bis öppe 250 Mèter bréit. Di nordöschdlechi Siite vom Daal isch schdarch zerglidered u s’hed derte vili churzi Siitedääler mit de Uuslöifer vom Galgemoos (654 m ü. M.) u vom Sämle (643 m ü. M.) wo derzwüsche ligge; die forme d’Gränze zum Wiinedaal. Di südweschdlechi Daalsiite isch regelmässiger gformed u got ufe bis zer Burg (649 m ü. M.) u zum Rang vor Rötler-Hochèbeni; die gränze ds Ruederdaal vom Suhredaal ab. E Kilomèter südöschdlech vor Houptsidlig Schlossrued liit ds Dorf Chirchrued, wo di éinzigi Chile vom ganze Daal schdéit. Drnäbe si dür di ganz Fléchi vor Gméind vili énzelni Buurehööf verschdröit.[3]
D’Fléchi vom Gméindgebiet isch 725 Hèktare gròss, drvòo si 226 Hèktare mit Wald u 57 Hèktare verbouet. Dr höchschdi Punkd isch uf 680 Mèter Höchi am Rang vor Rötler-Hochèbeni; dr diefschdi Punkd isch 475 Mèter höch ar Ruederche.
D’Nachbergméinde si Schöftle im Nordweschde, Underchoom im Norde, Oberchoom im Oschde, Schmedrued im Südoschde, Chöuchlerb im Süde u Stafubach im Weschde.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.