Universität Liechtenstein
From Wikipedia, the free encyclopedia
From Wikipedia, the free encyclopedia
D Universiteet Liachtaschtaa isch e staatligi Hoochschuel mit dr fachlige Schwäärpinkt Architäktuur un Ruumentwicklig un Wiirtschaftswisseschafte (Entrepreneurship, Finance, Wiirtschaftsinformatik, Wiirtschaftsräächt). Si het ire Sitz z Vaduz im Fiirschteduum Liachtaschtaa. Di inhaltli Fokussierig orientiert dodraa, was Wiirtschaft, Bolitik un Gsellschaft vu Liachtaschtaa un dr Regioon (Alperhyydaal, Boodesee) bruuche.
Universität Liechtenstein | |
---|---|
Gründig | 1961 |
Drägerschaft | Staat un Wiirtschaft |
Ort | Vaduz |
Land | Liachtaschtaa |
Leitung | Ulrike Baumöl |
Studänt*ene | ca. 800 |
Mitarbeiter*ne | ca. 200 |
Netzwärch | IBH, AACSB, EFMD |
Website | www.uni.li |
Vorlaifer isch s anne 1961 uf Initiativ vu Wiirtschaft un Staat grindet Abendtechnikum Vaduz. Anne 1965 isch us em Oobetächnikum di Höcheri Techneschi Lehraastalt (HTL) entstande, wo 1988 in Liachtaschtaaneschi Ingenieurschuel (LIS) umbenennt woren isch. Im Joor 1992 isch d LIS as Fachhoochschuel anerkännt woore. 1997 isch d LIS zue dr Fachhoochschuel Liachtaschtaa as Stiftig vum effetlige Räächt umgwandlet woore un 2005 zur Hochschule Liechtenstein.[1] Im Juli 2008 het d Regierig vum Fiirschteduum Liachtaschtaa d Duurfierig vu Doktoraatsstudiegäng (Promozioonsräächt) gnäämigt.
Dr offiziäll Iibergang zue dr «Universiteet Liachtaschtaa» isch zum 1. Februar 2011 uf dr Basis vum Gsetz iber d Universiteet Liachtaschtaa vollzooge woore, wu dr Landdaag am 25. Novämber 2010 verabschiidet het,[2] S Orgaan fir Akkreditierig un Qualiteetssicherig vu dr Schwyzerische Hoochschuel (OAQ) het uf Basis vun ere umfangryyche Evaluazioon bsteetigt ghaa, ass d Qualiteetsriichtlinie vu dr Schwyzerische Universiteetskumferänz (SUK) erfillt wääre. Dreeger sin dr Staat un Organisazioone vu dr Wiirtschaft. Rund 800 Studänt*ine sin in dr Bachelor-, Master-, Doktoraats- un Wyterbildigsprogramm yygschriibe. Studänt*ine un Leerrer*ine us iiber 40 Länder mache dr Campus zue me internazionaale Studienoort am Wiirtschafts- un Finanzblatz Liachtaschtaa.
D Universiteet Liachtaschtaa isch im Schwyzer Bildigsranking 2017 uf em eerschte Blatz in dr Kategory "Universiteete" glääge.[3]
An dr Universiteet Liachtaschtaa sin fimf Inschtitut aagsiidlet, wu d Foorschigszäntre vu dr Universiteet sin:
Anne 2003 het s KMU Zäntrum as eerscht An-Inschtitut d Aarbet ufgnuu un 2004 isch d KOFL – Konjunktuurfoorschigsstell Liachtaschtaa as zwait An-Inschtitut ufgmecht woore. S KMU Zäntrum bietet Dienschtlaischtige (Coaching, Businessblaan, Wettbewäärb) un Seminaar un Kiirs fir chlaineri un mittleri Unternäme aa.
D Diploom sin staatlig anerkännt un erfille d EU-Riichtliinie iber di geegesytig Anerkännig vu dr Diploom, Briefigserfoordernis un sinschtige Befähigungsuuswyys.
D Bachelorstuudiegäng geen zmindescht segs Semeschter (180 ECTS). S wääre Bachelorstuudiegäng in dr Fachriichtige Architäktuur (BSc Arch.) un Bedriibswiirtschaftsleer (BSc) aabote.
D Masterstuudiegäng (MSc) geen zmindescht vier Semeschter (120 ECTS). Aabote wääre Masterstuudiegäng fir die Beraich:
S Doktoraat cha mer im dritte Stuudiezyklus mache (zmindescht drei Joor). Verfiegbaar sin Stuudiegäng in Architäktuur un Ruumentwicklig un in Wiirtschaftswisseschafte.
An dr Universiteet Liachtaschtaa cha mer au verschiideni Wyterbildigsbrogramm in Foorm vu Vordreeg, Seminaar, Chiirs, Master-Stuudiegäng (Executive Master, MBA, LL.M.), Diploomstuudiegäng un Zertifikaatsstuudiegäng bsueche. D Universiteet Liachtaschaa bietet die Wyterbildigsbrogramm aa:
MBA Executive MBA
Executive Master of Laws (LL.M.) |
Diploom- un Zertifikaatsstuudiegäng
|
Dr gsetzli Ufdraag un di internazionaal gängige Hoochschuelstandard verbfliichte d Universiteet Liachtaschtaa zue Foorschig. Foorschig bildet näb dr Uus- un Wyterbildig di zwoot Syyle vu dr Universiteet. Unter em Motto Lokali Uusriichtig – internazionaali Yybettig siit d Universitet Liachtaschtaa iri primeer Ufgaab doodin, en postive Yyfluss z nee uf di wiirtschaftli un gsellschaftli Entwicklig vu Liachtaschtaa un s vorhande Foorschigs-Know-How erfolgryych in dr europäisch Foorschigsruum yyzbette. Foorschig soll dr Transfer vu neischtem Wisse in d Leer un Praxis gwäärlaischte. Foorschigsschwäärpinkt sin:
Foorschig un Wisse- un Technologietransfer gheere zum gsetzlige Ufdraag vu dr Universiteet Liachtaschtaa. Si stehen in ängem Bezuug zur Leer un dien die ergänze. Dr neischt Wissestand un d Brobläämleesigskumpetänz wääre dur Projäkt us dr Praxis vermittlett. Au d Wiirtschaft bruucht d Foorschigskapazitet vu dr Universiteet. Bsundersch chlaini un mittleri Bedriib (KMU), wu kai aigeni F&E-Ressource hän, bruuche di aagwändet Foorschig un Entwicklig. Die Laischtige bringe d Inschtitut un An-Inschtitut.
S Stuudium choschtet in dr Bachelor-, Master- un Doktoraatsstuudiegäng 950 Schwyzer Franke fir EU/EWR un Schwyzer Buurger*ne un 1250 Schwyzer Franke fir anderi Staatsaagheerigi pro Semestcher[22]. Gaschtstudänt*ine im Rame vu Uusduschprogramm (Erasmus-Programm) zaale kai Stuudiegäld.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.