Adolf Seger

Dr Adolf Seger (* 2. Jänner 1945 z Friburg) isch e ehmolige ditsche Ringer. Er isch zwaifache Medalliegwinner bi dr Olympische Spiler 1972 un 1976 gsi un zwaifache Weltmaischter im Welter- bzw. Mittelgwicht. Bi dr Ringer-Veterane (Masters) het er zehmol dr Weltmaischter-Titel gholt.

Dr Adolf Seger (rot) em Johr 1973

Lebe

Dr Adolf Seger kunnt us ere ringkampfbegaischterte Familie: Sin Vatter un sini fimf Brieder sin alli as Ringer aktiv gsi. Sin erschte Ringkampfunterricht het dr fimfjehrig Adolf vu sim Vatter griegt. Sin sportlig Vorbild isch sin eltre Brueder Edmund gsi, wu in dr ditsche Ringer-Nationalmannschaft bi dr Olympische Summerspiler 1960 z Rom kämpft ghet het.

Dr Adolf Seger isch ghirote un dreifache Familievatter. Iber 40 Johr lang het er as Briefdreger bi dr Ditsche Boscht AG z Zähringe gschafft; sit em Jänner 2009 isch er im Ruehstand. Er setzt sich in sinre Freizit fir d Kommunalpolitik, wohltetigi Zweck un d Sportferderung ii. Dr Seger isch allno sportlig fit un aktiv: bim Dischtennis, im Radsport un bim Kraftdrening. Er isch allno uusdreniert wie friejer un haltet allno si Wettkampfgwicht. Dr Adolf Seger stoht in sim Verein AV Germania Sant Jerge allno as Dreningspartner un as Drener z Verfiegung.

Ditschi Nationalmannschaft vu dr Freistil-Ringer 1978 (dr Adolf Seger in dr hintere Zilede, Zwaite vu links)

Sportligi Karriere

Dr Adolf Seger het im Freistil aagfange (Welter- un Mittelgwicht), un er isch vilfache Ditsche, Europa- un Weltmaischter gsi. Zue sine greschte Erfolg zelle au d Medalliegwinn bi dr Olympische Simmerspiler 1972 z Minche un dr Olympische Summerspiler 1976 z Montreal. Dr Seger giltet as ain vu dr beschte ditsche Ringer, wu s je gee het. Dur sin Bewegungstalent het er vor allem d Kampftechnike am Bode witterentwickelt. Mit em no ihm gnennte Seger-Griff het er e Huffe Agslesiig ghet.

Dr Adolf Seger het scho as junge Ringer großi Gsundhaitsproblem ghet. Scho Mitti 1960er Johr het er nit nur am ringertypischen "Bluemekohlohr" glitte, sundern vor allem au an Agsle-, Rugge- un Gniiverletzunge. In Dertemol isch dr Seger di ganz Zitt in Behandlung Universitätsklinikum Freiburg gsi. D Verletzunge hen sii international Sportkarriere um viil Johr verzegert. Aineweg het dr Seger flissig dreniert un het dodefir sogar sini Beruefsuusbildung zruckgstellt. D Kraft un d Athletik vum Seger hen weltwitt zum Beschte im Ringkampfsport ghert. Anne 1975 isch dr Seger ins Mittelgwicht gwägselt, wel er vor Wettkämpf vilmol Problem ghet het, uf s erforderlig Gwicht z kumme.

Au wenn er uf dr Ringermatte zimli ehrgizig gsi isch, het sich dr Adolf Seger immer fir e sufere, faire Sport iigsetzt. Nit umesunscht isch er mit dr Fair-Play-Trophäe uuszaichnet worre. Sim Friburger Ringerverain isch er immer drei gsi. Er het e Huffe lukrativi Aagebott griegt fir anderi Verain z ringe, het si aber nit aagnumme.

In dr 1990er un 2000er Johr isch dr Adolf Seger zehfache Freistil-Weltmaischter bi dr Ringer-Veterane (Masters) worre; des het weltwitt bisher no niemer gschafft. Sin Briisgeld vu 15000 Dollar, wun er dodefir griegt het, het dr Kinderkrebshilf gspendet.

Internationali Erfolg

Jahr	Blatz	Wettbewerb	Gwichtsklasse
1969	3.	EM z Sofia	Welter	mit Siig iber dr Ludovic Ambrus, Rumänie, dr Pauli Tuuri, Finnland, dr Janusz Pajak, Polen, eme Unentschide gege dr Miklos Urbanovics, Ungarn un ere Niderlag gege dr Juri Gusow, UdSSR
1969	5.	WM z Mar del Plata	Welter	mit Siig iber dr Pasqual Palombo, Argentinie un Niderlage gege dr Zarbeg Beriaschwili, UdSSR un dr Matti Poikkala, Finnland
1970	6.	EM z Berlin	Welter	mit Siig iber dr Robert Blaser, Schwiz un dr Josef Völc, CSSR, eme Unentschide gege dr Giuseppe Spagnoli, Italien un Niderlage gege dr Zarbeg Beriaschwili un dr Jan Karlsson, Schwede
1970	2.	Turnier z Genua	Welter	hinter em Jan Karlsson un vor em Robert Blaser
1970	5.	WM z Edmonton	Welter	mit Siig iber dr Giuseppe Spagnoli, David Briers, Südafrika un dr Robert Blaser, eme Unentschide gege dr Angel Petrow, Bulgarie un ere Niderlag gege dr Danzandarjaa Sereeter, Mongolei
1971	7.	WM z Sofia	Welter	mit Siig iber dr Janusz Pajak, Polen, dr Pete Symons, USA un dr Francisco Lebeque, Kuba un Niderlage gege dr Ludovic Ambrus un dr Mohammad Farhangdoust, Iran
1972	1.	EM z Kattowitz	Welter	mit Siig iber dr Mehmet Uzun, Türkei, dr Stefanos Ioannidis, Griecheland, dr Ludovic, Ambrus, dr Michael Busse, Pole un dr Roman Marsagaschwili, UdSSR trotz ere Niderlag gege dr Jancho Pawlow, Bulgarie
1972	Bronze	OS z Minche	Welter	mit Siig iber dr Francisco Lebeque, dr Alfred Wurr, Kanada, dr Juri Gusow, dr Miklos Urbanovics un dr Mansour Barzegar, Iran un Niderlage gege dr Jan Karlsson un dr Wayne Wells, USA
1973	1.	EM z Lausanne	Welter	mit Siig iber dr Kazimierz Kos, Pole, dr Peter Spycher, Schwiz, dr Jozsef Rusznyak, Ungarn, dr Frank Birke, DDR, dr Christo Stantschew, Bulgarie un dr Viktor Silbermann, UdSSR
1973	5.	WM z Teheran	Welter	mit Siig iber dr Mitsuo Degawa, Japan un dr Panwar, Indie, eme Unentschide gege dr Mansour Barzegar un Niderlage gege dr Jancho Pawlow un dr Ruslan Nuralijewitsch Aschuralijew, UdSSR
1974	2.	EM z Madrid	Welter	mit Siig iber dr Nikoaes Palaskas, Griecheland, dr Dan Karabin, CSSR, dr Jancho Pawlow un dr Servet Aydemir, Türkei un Niderlage gege dr Jan Karlsson un dr Ruslan Aschuralijew
1974	4.	WM z Istanbul	Welter	mit Siig iber dr Stanley Dziedzic, USA, dr Danzandarjaa Sereeter un dr Kazimierz Kos un Niderlage gege dr Viktor Silbermann, Israel un dr Jancho Pawlow
1975	6.	EM z Ludwigshafe	Welter	mit Siig iber dr Jan Lachoda, Pole un dr Servet Aydemir un Niderlage gege dr Daniel Karabin un dr Pawel Pinigin, UdSSR
1975	1.	WM z Minsk	Mittel	mit Siig iber dr Apostolos Mersiakaris, Griecheland, dr Wassili Schultschin, UdSSR, dr Ismail Abilow, Bulgarie, dr Mehmet Uzun, dr Vasile Iorga, Rumänie un dr István Kovács, Ungarn
1976	1.	EM z Leningrad	Mittel	mit Siig iber dr Wiktor Nowoschilow, UdSSR, dr Jan Gorski, Pole, dr Istvan Kovacs un dr Ismail Abilow
1976	Bronze	OS z Montreal	Mittel	mit Siig iber dr Anthony Shacklady, Großbritannie, dr Andre Bouchoule, Frankrich un dr Henryk Mazur, Pole un Niderlage gege dr Wiktor Nowoschilow un dr John Peterson, USA
1977	5.	EM z Bursa	Mittel	mit Siig iber dr Georgios Pahtas, Griecheland un dr Daima Pereira, Spanie un Niderlage gege dr Hassan Zangiew, UdSSR un dr Mehmet Uzun
1977	1.	WM z Lausanne	Mittel	mit Siig iber dr Jan Gorski, Pole, dr Zeveg Duvchin, Mongolei, dr Christopher Campbell, USA un dr Istvan Kovacs un trotz ere Niderlag gege dr Magomed Arakilow, UdSSR
1978	2.	EM z Sofia	Mittel	mit Siig iber dr Georgios Polychronidis, Griecheland, dr Pawel Szabo, CSSR, dr Istvan Kovacs un dr Tiberiu Sereghely, Rumänie un ere Niderlag gege dr Schukri Lutwiew-Achmedow, Bulgarie
1978	2.	WM z Mexiko-Stadt]	Mittel	mit Siig iber dr Richard Deschatelets, Kanada, dr Akira Ohta, Japan, dr Zeveg Duvchin, dr Istvan Kovacs un dr John Peterson un Niderlage gege dr Schukri Lutwiew-Achmedow un dr Magomed Arakilow
1979	3.	EM z Bukarest	Mittel	mit Siig iber dr Günter Busarello, Eschtriich, dr Efraim Kamberow, Bulgarie un dr Resit Karabacak, Türkei un Niderlage gege dr Alexander Alexejew, UdSSR un dr Istvan Kovacs
1979	5.	WM z San Diego	Mittel	mit eme Siig iber dr Alan Thompson, Australie un Niderlage gege dr John Peterson un dr Magomed Arakilow
1980	12.	EM z Prievidza	Mittel	no Niderlage gege dr Vasile Tiganas, Rumänie un dr Günter Busarello

Ditschi Maischterschafte

Jahr	Platz	Gwichtsklasse	Ergebnis
1967	3.	Welter	hinter em Otto Alt, Schifferstadt un em Peter Nettekoven, Dortmund
1969	2.	Welter	hinter em Reinhard Zeiher, Brötzingen un vor em Günter Niedermaier, Hallbergmoos
1970	2.	Welter	hinter em Reinhard Zeiher un vor em Günter Niedermaier
1971	1.	Welter	vor em Wolfgang Engel, Baienfurt un em Fritz Sauer, Ladenburg
1972	1.	Welter	vor em Reinhard Zeiher un em Konrad Schluttenhofer, Freising
1973	1.	Welter	vor em Reinhard Zeiher un em Peter Schöffler, Friburg
1974	1.	Mittel	vor em Berhard Dunke, Efferen un em Willibald Liebgott, Friburg
1975	1.	Mittel	vor em Hubert Krämer, Haslach un em Martin Dassler, Untertirkheim
1976	1.	Mittel	vor em Willibald Liebgott un em Hubert Krämer
1977	1.	Mittel	vor em Heribert Metz, Waldaschaff un em Detlef Englich, Duisdorf
1978	1.	Mittel	vor em Detlef Englich un em Karl-Heinz Fettel, Friburg
1979	1.	Mittel	vor em Willibald Liebgott un em Alexander Senn, Friburg
1980	1.	Mittel	vor em Hans-Joachim Klötzing, Witten un em Heribert Metz

Aamerkige: allie Wettbewerb im freie Stil, OS = Olympischi Spiler, WM = Weltmaischterschaft, EM = Europamaischterschaft, Weltergwicht, bis 74 kg, Mittelgwicht, bis 82 kg Liibgwicht

Zitat iber dr Adolf Seger

Hinfallen können viele, aufstehen nur wenige. (Adolf Seger)

Der kräftigste Postbote Deutschlands. (Die Sport-Reportage)

Ein Freiburger Urgestein. (Badische Zeitung)

Ein bärenstarker Briefträger (Sport 3)

Der Houdini des Ringens. (Uubekannt)

Quelle

• Fachzeitschriften Athletik us dr Johr 1965 bis 1975 un Der Ringer us dr Johr 1976 bis 1980
• Documentation of International Wrestling Championships der FILA, 1976
• Hundert Jahre Ringen in Deutschland, Verlag Der Ringer, Niedernberg, 1991, Seiten 200, 228 u. 229
• Munzinger Sportarchiv

Weblink

• Dr Adolf Seger in dr Datebank vum Inschtitut fir Aagwendeti Dreningswisseschafte vu dr Universität Leipzig (Site cha nüme abgrüeft wärde; Suche im Webarchiv) Vorlage:Toter Link/www.iat.uni-leipzig.de
• Kurzbiografii vum Adolf Seger bi SR Sports Reference
• Weltmaischter Adolf Seger in dr 1970er Johr (Site cha nüme abgrüeft wärde; Suche im Webarchiv) Vorlage:Toter Link/www.fitnesscalifornia-freiburg.de
• Adolf Seger: Veteranen-Weltmeister und Muskel-Mann (2000)
• Autogrammkarte vum Adolf Seger (Site cha nüme abgrüeft wärde; Suche im Webarchiv) Vorlage:Toter Link/www.fitnesscalifornia-freiburg.de

Dä Artikel basiert uff ere fräie Übersetzig vu dere Version vum Artikel „Adolf_Seger“ vu de dütsche Wikipedia. E Liste vu de Autore un Versione isch do z finde.