Ambilly
From Wikipedia, the free encyclopedia
Remove ads
Ambilly isch e französischi Gmeind im Departemänt Haute-Savoie.
Der Ort isch im Kanton Annemasse vom Verwaltigschreis Saint-Julien-en-Genevois. Me seit dere Stadtlandschaft au Annemasse-Les Voirons-Agglomération. Ambilly het öppe föiftuusig Ywooner und lyt a der Gränze zwüsche Frankrych und em Kanton Gämf und im Weschte vo der Stadt Annemasse. D Gämfer Nochbergmeinde vo Ambilly sin Thônex und Puplinge. Der Landesgränze noo goot der Fluss le Foron.
S Gmeindpiet vo Ambilly isch nume chly meh als ei Kwadratkilometer gross; es isch die chlynschti Gmeind vom ganze Departemänt. S Piet ghört geografisch gseh zu der übergordneten Aglomerazioon Gämf-Annemasse und es isch komplett mit Woonsidlige, Gwärbkwartier, Schuelhüüser und anderne Yrichtigs verbout.
S Dorf wird anne 859 s erschte Mol in ere Urkunde mit em Name Ambiliaci erwähnt. Es isch an alte latynische Ortsname, wo schynts uf e römisch Personename Ambilius zrugggoot.
S Gmeindwappe het es vildeiligs Bild; es beziet sech ufe Fluss Le Foron und e Brugg, uf die alte Wälder vo Eiche, wo s i dere Gäged früener gha het, uf d Farbe vo de alte adelige Herrschafte und ufs savojische Chrüüzwappe.
Remove ads
Weblink
Fuessnoote
Wikiwand - on
Seamless Wikipedia browsing. On steroids.
Remove ads