Annika Knoll
From Wikipedia, the free encyclopedia
Remove ads
D Annika Knoll (* 6. Novämber 1993 z Ditisee-Neistadt) isch e eemoligi dytschi Biathleti.
Remove ads
Lääbe
D Annika Knoll isch e Dochter vu dr Angela un em Jürgen Knoll, wu z Fridewiler dr Gaschhof Steppacher fiere.[1] Si het im Alter vu acht Johr mit em Biathlonsport aagfange, vorhär het si scho Skilanglauf gmacht. Si startet fir dr SV Friedenweiler-Rudenberg un isch syt 2010 uf s Skiinternat Furtwange gange, wu si 2013 mit em bstandene Abitur verloo het. Syt Summer 2013 het si zum Zoll-Ski-Team ghert.[2] Nodäm si zwai Johr lang z Ruhpolding gläbt un im dertige Olympiastützpunkt in dr Chiemgau-Arena trainiert ghaa het, isch si aafangs 2017 wider in Schwarzwald retuurchuu un het z Furtwange mit irem Trainer Roman Böttcher trainiert.[3]
Remove ads
Karriere
Ire internazional Debüt het d Knoll bi dr Biathlon-Juniorewältmaischterschafte 2012 z Kontiolahti gee, wu si 16. im Ainzel un 15. bim Sprint woren isch. Im Verfolgigsränne het si si mit nume aim Schießfähler hinter dr Grete Gaim un dr Julia Ransom uf dr dritt Blatz verbesseret. Im Stapfleränne bisch si mit dr Luise Kummer un dr Marie Heinrich uf dr fimft Rang chuu. 2013 isch si z Obertilliach 18. im Sprint un 28. in dr Verfolgig wore. Z Presque Isle het d Knoll mit dr Heinrich un dr Kummer dr Titel im Stapfleränne gwunne, het im Sprint hinter dr Jewgenija Pawlowa un dr Galina Wischnewskaja Bronze gwunne un isch derzue Sibti in dr Verfolgig un 17. im Ainzel wore.
Bi dr Biathlon-Europamaischterschafte 2014 z Nové Město na Moravě isch d Knoll zum erschte Mol bin ere internazionale Maischterschaft vu dr Fraue an Start gange. Im Ainzel isch si uf dr 33. Blatz chuu, isch 31. im Sprint un 23. in dr Verfolgig wore un het mit dr Karolin Horchler, dr Vanessa Hinz un dr Maren Hammerschmidt d Silbermedaille im Stapfleränne gwunne. In dr Saison 2013/14 het si bi me Sprintränne z Ridnaun ire Debüt im IBU-Cup gee un het as 31. sofort Pinkt gwunne. Z Ruhpolding isch si e weng speter as Nynti in eme Sprint zum erschte Mol unter di beschte Zeh glofe. Bi dr letschte Wältcupstation am Holmenkollen z Oslo het d Knoll in dr Saison 2013/14 ire Debüt im Biathlon-Wältcup gee, het as 66. vum Sprint aber s Verfolgigsränne verbasst. S het bis zum Jänner 2015 brucht, bis si z Antholz wider im Wältcup zum Yysatz chuu isch. Im Sprintränne isch si uf dr 35. Blatz chuu un het iri erschte Wältcup-Pinkt gwunne. Si het aber wäg dr EM uf d Verfolgig verzichtet. Bi dr Europamaischterschafte het si in dr Stapfle Silber gwunne.
No dr IBU-Cup z Nordamerika isch si zum Wältcupfinale z Chanty-Mansijsk gfloge un isch dert wider im Biathlon-Wältcup yygsetzt wore. Im Sprint isch si uf Blatz 58 chuu, in dr Verfolgig het si si derno uf Blatz 51 verbesseret. Dodermit isch si uf Blatz 88 im Biathlon-Wältcup 2014/15 chuu.
Am 24. Jänner 2019 het si iber iri Facebook-Syte ire Karriereänd verchindet.[4]
Remove ads
Statischtik
Biathlon-Wältcup-Blatzierige
Die Tabälle zaigt alli Blatzierige (je no Uusdragigsjohr mit dr Olympische Spiil un dr Wältmaischterschafte).
- 1.–3. Blatz: Aazahl vu dr Podiumsblatzierige
- Top 10: Aazahl vu dr Blatzierige unter dr erschte zeh (mit Podium)
- Pinkträng: Aazahl vu dr Blatzierige in dr Pinkträng (mit Podium un Top 10)
- Start: Aazahl vu dr glofene Ränne in dr jewylige Disziplin
Weblink
- Annika Knoll in dr Datebank vu dr IBU (änglisch)
Fueßnote
Wikiwand - on
Seamless Wikipedia browsing. On steroids.
Remove ads