Aruba
From Wikipedia, the free encyclopedia
Remove ads
Aruba isch eini vo de drei ABC-Insle, wo Deil vo de Chliinen Antille in dr südlige Karibik si, 25 Kilometer nördlig vo Venezuela. Si isch näbe de Insle Curaçao, Sint Maarten und de Niiderlande (wo us de eigentlige Niiderlande in Europa, Bonaire, Sint Eustatius und Saba in dr Karibik bestoht) eine vo de vier gliichberächtigte Deil vom Königriich vo de Niiderlande. Wie die andere Landesdeil het au Aruba en eigeni Verfassig und Regierig. D Insle gniesst vollkommeni inneri Autonomii.
Remove ads
Geographii
Aruba isch die westligsti und chliinsti vo de drei ABC-Insle. Si isch überwiegend flach, max. 30 km lang und max. 9 km breit. Dr höchst Bärg isch dr Jamanota mit 188 m. Im Weste vo dr Insle het s kilometerlangi wissi Stränd, während dr Oste dur deilwiis bizarri Felsküste prägt isch.
Sprooche
D Amtssprooche vo Aruba si Niiderländisch und Papiamento (e Kreolsprache, wo uf s Portugiisische zruggoht). Uf Aruba wird en eigeni Rächtschriibig vom Papiamento bruucht, wo sich vo dr Orthografii uf Curaçao und Bonaire underscheidet.
Weblingg
- CIA World Factbook: Aruba (englisch)
- Aruba Central Bureau of Statistics
- Karte der statistischen Regionen und Zonen
Wikiwand - on
Seamless Wikipedia browsing. On steroids.
Remove ads