Astrid Alexandre

D Astrid Alexandre (* 5. April 1981 z Port-au-Prince, Haiti) isch e Schwyzer Liedermacheri un Radioschurnalischti.

„La Triada“ v. r. n. l.: Astrid Alexandre, Ursina Giger, Corin Curschellas

Lääbe

D Astrid Alexandre isch z Belgie un in dr Schwyz in ere belgisch-schwyzerische Familie ufgwachse, isch in dr Schwyz uf d Schuel gange. Derno het si s Lehrerseminar z Khuur absolviert un am Musikwisseschaftlige Seminar vu dr Universitet Baasel studiert. Si schafft as Redaktori bi Radiotelevisiun Svizra Rumantscha.^[1]

D Alexandre singt vor allem uf Sursilvan, aber au uf Änglisch, Franzesisch un Schwyzerdütsch. Im Spootjohr 2014 isch ihre eerscht Soloalbum uusechuu. Vorhär het si zäme mit dr Corin Curschellas d CD Triada un Origins yygspiilt.

As Musikeri duet si bi Feschtival un uf Bihne in dr ganze Schwyz un au z Frankrych ufdrätte, as Solochinschtleri, Ensemblemitgliid un vylmol au zäme mit em Mario Pacchioli un dr Corin Curschellas. Si het fir Radiotelevisiun Rumantscha s erfolgrych Projäkt chant au tour iniziiert, wu rätoromanischi Sänger in dr Schwyz uf Tournee gange sin.^[2]

Mit dr Corin Curschellas un dr Ursina Giger het d Alexandre s Trio „La Triada“ grindet, wu rätoromanische Volkslieder sammlet un dreistimmig uffiert.

Diskografy

• astrid alexandre, R-tunes, 2014^[3]
• Umbrivas, R-tunes, 2018^[4]

Uuszaichnige

• 2015: Mediebryys SRG.R fir d Sändig Med Ursina i København^[5]
• 2016: Feerderbryys vu dr Stadt Khuur wäge „ihrer bezaubernden Stimme und ihrer mehrsprachigen, eigenkomponierten Lieder“^[6]

Weblink

• Offiziälli Websyte
• Lieder vu dr Astrid Alexandre uf Mx3