Azawad

De Azawad (uf Tuareg: ⴰⵣⴰⵓⴷ^[1], au Azaouad) isch de nördlich Teil vo Mali, eme Land z Weschtafrika. Nach eme Militärputsch z Mali hei Aahänger vo de MNLA d Region unter ihri Kontrolle brocht und am 6. Aprile 2012 d Unabhängigkeit vom Azawad vo de Republik Mali erklärt.^[2] Di Afrikanischi und di Europäischi Union hei sofort erklärt, dass si de Staat nöd wei aaerkenne.^[3]

D Flagge

S Gebiet vo Azawad, wi es vo de MNLA beasprucht wird.

Geographii

De Azawad umfasst di drü Regione vo Mali, wo im Norde vom Land lige: Timbuktu, Gao und Kidal. Vo de Flächi her ghört zum Azawad mit 730.999 km² me wi d Hälfti vo de Staatsflächi vo Mali (58,94 %), vo de Bevölkerig aber numme 1'293'449 Iiwohner, was 8,91 % vo de malische Bevölkerig usmacht.^[4][5] Di gröschte Städt im Azawad isch Gao mit öppe 86'000 Iiwohner. Timbuktu, die bekanntischti Stadt vo de Region het öppe 50'000 Iiwohner.