Bad Krozingen

Bad Chrotzige (amtlich Bad Krozingen) isch e Stadt (sit 1. September 2005) un e Churort im Landchreis Brisgau-Hochschwarzwald in Bade-Württeberg (Dytschland). D'Stadt isch in dr ledschde Johre starch gwachs. Mit middlerwil 21.755 Iwohner (Stand: 31. Dezember 2024) isch es die gröscht Gmei vum Landchreis un het au d'Mindischtgrössi fir e „Grossi Chreisstadt“ erreicht. Sälle Titel isch aber anno 2018 no nit offiziell.

Wappe	Dütschlandcharte
	47.9180555555567.7025233
Basisdate
Dialekt:	Alemannisch
Hauptvariante:	Hochalemannisch
Regionalvariante:	Markgräflerisch
Lokalvariante:	nördl. Markgräflerisch
Bundesland:	Bade-Württebärg
Regierigsbezirk:	Friburg
Landchreis:	Brisgau-Hochschwarzwald
Höchi:	233 m ü. NHN
Flächi:	35,7 km²
Iiwohner:	21.755 (31. Dez. 2024)[1]
Bevölkerigsdichti:	610 Iiwohner je km²
Poschtleitzahl:	79189
Vorwahl:	07633
Kfz-Chennzeiche:	FR
Gmeischlüssel:	08 3 15 006
Adress vo dr Stadtverwaltig:	Basler Straße 30 79189 Bad Chrorzige
Webpräsenz:	www.bad-krozingen.de
Burgermeischter:	Volker Kieber
Lag vo dr Stadt Bad Chrorzige im Landchreis Brisgau-Hochschwarzwald
Karte

Geographi

Charte vu Bad Chrotzige

Bad Chrotzige lit im Brisgau, guet 15 km vu Friburg im Brisgau un 45 km vu Basel entfernt. D'Stadt bildet gmeinsam mit Staufe im Brisgau e Middelzentrum. Im Markgräflerland gläge, isch Bad Chrotzige landschaftlich reizvoll vu (allerdings entfernter glägene) Räbberge umgä.

Ortsteile

Näbe dr Chernstadt Bad Chrotzige mit em Kurgebit, dr Innestadt, Oberchrotzige un Chems ghöre zue Chrozige au einigi bis zue dr grosse Verwaltigsreform in dr 1970er Johre selbständigi Gemeinde, zum Deil mit eigene Ortsdeile.

Bienge

Bienge (amtlich Biengen) isch erschtmols anno 770 urchundlich erwähnt worre. Zue Bienge ghört au dr Wiler Dottighofe, wo us ere sehr gringe Azahl vu ehemalige Burehöfe un em Gottsagger vu Bienge bestoht. Su dr Biengemer Sportplatz isch dert. D'Igmeindig zue Chrotzige isch anno 1971 erfolgt.

Hüse an dr Möhli

Hüse an dr Möhli (amtlich: Hausen an der Möhlin) isch erschtmols anno 1147 urchundlich erwähnt worre. D'Igmeindig zue Chrotzige isch no anno 1973 erfolgt.

Schlatt

Schlatt isch erschtmols anno 1130 urchundlich erwähnt worre un isch au anno 1973 zue Chrotzige igmeindet worre.

Dunsel

Dunsel (amtlich: Tunsel) isch erschtmols anno 852 oder 860 urchundlich erwähnt worre. D'Igmeindig zue Chrotzige isch anno 1974 vollzoge worre. Zue Dunsel ghört au dr Wiler Schmidhofe.

Wappe vo dr Ortsdeil

• 
  Bienge
• 
  Hüse
• 
  Schlatt
• 
  Dunsel

Sähnswürdigkeite

In dr Glöcklihofchapelle (baut im 10./11. Johrhundert) git's Freske mit einere vu dr äldischte Christusdarstellige nördlich vu dr Alpe.

Gschicht

Es git einigi Funde, wo druf hiwiise, dass d'Region scho in dr junge Steizitt besidelet gsi isch. Au Kelte und Römer sin do sesshaft gsi. Dr Ortsnamme sälber zeigt aber durch d'Endig -ige, dass Chrotzige sälber im Gfolg vu dr alemannische Landnahm im 3. un 4. Johrhundert gründet worre si muess.

Politik

Wahle

Ergebnis vo dr Landdagswahle sit 2006:^[2]

Johr	CDU	SPD	FDP	Grieni	Linki1	AfD	Suschtigi
2016	26,2 %	11,8 %	8,1 %	34,3 %	3 %	13,2 %	3,4 %
2011	34,1 %	24,2 %	7,8 %	27,1 %	2,3 %		4,5 %
2006	47 %	26 %	9,5 %	11,1 %	2,4 %		4 %

¹ 2006: WASG, sit 2011: Die Linke

Wappe

In Blau iber ere goldene Weltchugel e vu Strahle umgäbes goldigs Goddsaug.

Städtpartnerschafte

Sit 1985 bestot mit dr südfranzösische Kommune Gréoux-Les-Bains un Esparron-de-Verdon e Städtepartnerschaft.

Städtefründschafte

Städtefründschafte besten sit 1989 mit Naoiri in Japan un sit 1993 mit Bojnice in dr Slowakei.

Wirtschaft un Infrastruktur

Kurbetrieb

Mit dr Erbohrig vu dr erschte Thermalquelle 1911 het d'Entwicklig zum Chur- un Badeort agfange. 1933 het dr Ort s'Churortsprädikat „Bad“ erhalde, un witteri Bohrige sin gfolgt. Im Lauf vu dr Johre isch e Gsundheitszentrum mit vilfältige Agebote un gueter Infrastruktur enstande (Vita Classica-Therme, Churpark, Reha-Klinike, Herzzentrum etc.). S'Mineral-Thermalwasser het eini vu dr höchste Chohlesüri-Konzentratione in ganz Europa.