Bezugssystem

E Bezuugssüsteem in dr Füsik isch e Konstrukt us Ruum und Zit. Mit em cha mä äidütig und vollständig beschriibe, wie sich füsikalischi Gröössene verhalte, wo vom Ort abhängig si. D Laag und d Beweegig vo füsikalische Körper chönne nume relativ zum ene Bezuugssüsteem aagee wärde.^[1] Zum e Bezuugssüsteem definiere, weelt mä e Bezuugspunkt, legt d Ruumrichdige fest und bestimmt e füsikalische Brozäss, für zum d Zit mässe. Mit däm isch automatisch festgläit, was mä under „Stillstoo“ und „Beweegig“ verstoot, und zwar Stillstoo und Beweegig relativ zum e Beobachder in däm Süsteem. Das isch nöötig, wil verschiideni Beobachder dr gliich füsikalisch Vorgang underschiidlig beschriibe. Zum Bischbil chönnt e bsoffnige Autifaarer behaupte, ass e Baum uf iin zuechoo sig, wääred e Fuessgänger am Rand vo dr Strooss eender wurd sääge, ass dr Autifaarer gegen e Baum gfaare isch.

E Beobachder O, wo am Ursprung vom Bezuugssüsteem F isch, brucht d Ruumzitkoordinate (x, y, z, t) zum en Eräignis (doo e Stärn) z beschriibe.