Bleona Qereti

D Bleona Qereti (* 14. Mai 1979 z Korça) isch e albanischi Popsängeri, wo hüt z Tirana und i de USA läbt.

D Bleona Qereti

Biografi

D Bleona Qereti het scho als Chind und Teenager gsunge. So het sie i de früehne 1990er Jahr widerholt Uftritt als Sängeri und Moderatorin am Theater vo Elbasan gha. Mitti vo de 1990er Jahr het sie a verschidne Festival und Tournee im In- und Ussland teilnäh chönne und isch zue nationaler Bekanntheit cho.^[1] 1994, im Alter vo 14 Jahr, het sie ihren erst Uftritt am Festivali i Këngës, em bedüütendste Musigaalass vo Albanie gha.^[2][1][3][4] 1998 isch ihres erste Album mit em Titel Kam qejfin tim (Ich ha mi Spass) erschine. 1999 het sie es Studium a de Kunstakademie Tirana aagfange, wo sie im Juni 2002 als Schauspieleri abgschlosse het.

Ihres dritte und vierte Album, wo i de Jahre 2001 und 2002 erschine sind, hend sich z Albanie sehr guet verchauft. S füfte Album mit em Titel Ti nuk di as me ma … lyp (Du weisch nid emal… wie me mich aamacht) het sich z Albanie über 300'000 Mal verchauft.

I ihrere Heimet gilt sie mit ihrem visuelle Stil und ihrere Attitüde als ‘albanische Madonna‘.^[1][5]

Syt 2010 schafft sie in de USA u. a. mit em Timbaland zäme^[6] und singt uf Änglisch.

Diskografi

• 1997 Kam Qejfin Tim
• 1999 Nese Me Do Fort
• 2001 S'me Behet Vone
• 2002 Ik Meso Si Dashurohet
• 2003 Ti Nuk Di As Me Ma Lyp
• 2005 Greatest Hits
• 2005 Boom Boom
• 2007 Mandarin

Weblink

 Commons: Bleona Qereti – Sammlig vo Multimediadateie

• Websyte vo de Bleona Qereti
• Bleona Qereti in dr Internet Movie Database
• MTV Artists: About Bleona