Caspar Joseph Staub

De Caspar Joseph Staub (* 1775 vermuetli z Mänzige; † 1850) isch Lehrer z Flums gsi. Er häd au i de Chile Orgle gspilt.

Läbe

De Chasper Staub isch 1775 uf d Wält cho. Er häd gstudiert und isch vermuetli ab 1795 z Flums Lehrer gsi. Ime Pricht ad Regierig schribt er im Früelig 1799, er segi i sim 5. Jahr z Flums und es segi sini erschti Stell. Zu säbere Ziit isch er ledig und chinderlos gsi.^[1]

Flumser Wienachtslied

Als Organischt isch de Staub au für d Musig verantwortli gsi. Für de Wienachtsgottesdienscht häd er es Lied komponiert, wo hüt no under em Name Flumser Wienachtslied bekannt isch.

Wärch

• Ihr Hirten in den Wäldern (Flumser Wienachtslied)

Literatur

• Fuchs, Markus: Lehrerinnen- und Lehrerperspektiven in der Helvetischen Republik]. Bad Heilbrunn : Klinkhardt 2015, 273 S. - (Studien zur Stapfer-Schulenquête von 1799) - (Zugl.: Bern, Univ., Diss., 2013)
• Schmidt, H.R. / Messerli, A. / Osterwalder, F. / Tröhler, D. (Hgg.), Die Stapfer-Enquête. Edition der helvetischen Schulumfrage von 1799, Bern 2015, Nr. 536: Flums, .