Churfirsten

D Churfirschte oder Churfürschte (IPA: [ˈxuːrfʏrʃtə]) sind e Chetti vo sibe relatiiv junge Chalchstaibärge. Si laufet im Norde nöd allzu gääch is Toggeburg us, im Süde aber fallets fast senkrecht in Walesee (419 m ü.M.) ab. Si sind s Woorzaiche vom Toggeburg.

Churfirste
Hinderrugg, Schibestole, Zuestole, Brisi, Frümsel und Seluu vom Toggeburg us gsee Hinderrugg, Schibestole, Zuestole, Brisi, Frümsel und Seluu vom Toggeburg us gsee
Hechi	2'306 m ü. M.
Lag	Kanton Sanggalle, Schwiz
Gebirg	Appezäller Alpe
Geografischi Lag	740412 / 22423447.1541666666679.29027777777782306
Churfirsten (Schweiz) Churfirsten
D Churfirste vo Süde öber de Walesee us gsee D Churfirste vo Süde öber de Walesee us gsee

f

Näme

D Näme vode sibe Churfürste sind vo Oste noch Weste: de Chäserrogg (IPA: [ˈxæsərʊk]; 2'262 m), de Henderrogg (IPA: [ˈhɪnd̥ərʊk]; 2'306 m), de Schiibestole (IPA: [ˈʃiːb̥əʃtolə]; 2'234 m), de Zuestole (IPA: [ˈtsʊə̯ʃtolə]; 2'235 m), de Brisi (IPA: [ˈb̥rɪsi]; 2'279 m), de Frümsel (IPA: [ˈfrʏmsəl]; 2'263 m) und de Seluu (IPA: [selˈuː]; 2'205 m). D Bergchetti setzt sich den in Weste fort mit: Wart (2'068 m), Schäär (2'171 m), Nägeliberg (2'163 m) und Liistchamm (2'101 m).

Turismus

Vo Unterwasser us fart e Standsailbaa uf de Iltios (IPA: [ɪltiˈo:s]) und vo döt us schwebt e Gondelbähnli uf de Chäserogg, wos e Restarant anegstellt hend. E Schiipiste för güebti Schiifahrer füert zrugg an Iltios wos au Schiilift för Afänger het. Well de Berg uf drai Site stail abfallt, tar Piste uf kann Fall verlo werde. Im Summer werd en Erwanderig vomene Churfirst mitere prächtige Uusicht über d Alpe und de Bodesee belohnt.

Höhlene

Am Seluu isch s Wildemannliloch, e Höhli wo ide Staizitt benutzt woren isch. Me ninnt au aa, ass de Johannes Seluner i dere Höhli glebt gha het. S Gebiet isch es Karschtgebiet. Drum häts det hunderti Schächt, Löcher und Höhlene. S sind scho e paar z Tod gheit oder im Winter dur de Schnee iiproche.^[1] E paar vo de wichtigschte sind i de Tabäle:^[2]

Name	Nummere	Tüfi (m)	Lengi (m)	Flur
Chrinnloch		43	210	Breitenalp
Iishöhli	T1
Köbelishöhli		546	2372	Hinderselun
Langwiitischacht	N1	170	200	Neuenalp
Luftbildloch	T22	145	320	Oberplisa
Muelten-Dunnerloch		174	300	Hinderselun
Ofenloch		15		Quarten
Rauchloch		280	544	Selamatt/Mittelstofel
Ringquäle		33	2000	Voderbetlis
Schacht	O17	188	446	Gamsalp/Stiglen
Schnapsloch	T25	171	305	Oberplisa
Schlucht	O80	94	480	Gamsalp/Stiglen
Seichbergloch		586	2480	Seichbergwald
Selunhöhlesystem		507	6407	Breitenalp/Chalttobel
Sibirschacht		327	691	Zuestoll
Stumpendunnerloch		140		Alt St. Johann
Wartdunnerloch		177	210	Hinderselun
Widmannlisloch		2,4	150	Alt St. Johann
?	O91/O92	114	1040	Unterplisa
Böschendunnerloch

S Gebiet isch vo de Forscher i Zone itäilt worden. Für jede Bärgrugge oder Karre gits en Buechstabe. So isch T14 di 14. Höhli, won i de Zone T gfunde worden isch. Die öschtliche Gebiet wärded vo de Arbetsgmäinschaft für Speläologie Rägischdorf (AGS-R) undersuecht, de Weschte vo de Oschtschwiizer (OGH) und de Toggeburger Gsellschaft für Höhleforschig (TGH).

Belder

• 
  Churfirsten vom Säntis her gseh
• 
  Blick vom Laischtchamm zum Walesee abe