Claude Monet

Dr Claude Monet [klod mɔnɛ] (* 14. Novämber 1840 z Bariis; † 5. Dezämber 1926 z Giverny, uf d Wält cho as Oscar-Claude Monet) isch e franzöösische Mooler gsi, wo die middleri Schaffensperiode von em zur Stilrichdig vom Impressionismus zelt wird. Sis Früewärk bis zur Middi vo de 1860er-Joor umfasst realistische Bilder, vo dene het dr Monet e baar im Pariser Salon chönne usstelle. Am Ändi vo de 1860er-Joor het er aagfange afo impressionistischi Bilder zu moole. E Bischbil für d Bilder us dere Faase isch d Hafenaasicht vo Le Havre Impression, Sunnenufgang, wo dr ganze Beweegig dr Naame gee het. Won er nüme em Gschmack vom dr Zit, wo vo de dradizionelle Kunstakademie brägt worden isch, entsproche het, het sich sini finanzielli Laag verschlächteret. In de 1870er-Joor het dr Monet an e baar vo de Impressioniste-Usstellige mitgmacht, wo au Künstler wie dr Pierre-Auguste Renoir oder dr Edgar Degas drbii gsi si, und isch vor allem vom Kunsthändler Paul Durand-Ruel gförderet worde. Im Monet si finanzielli Situazioon isch bis in d 1890er-Joor brekäär bliibe. In dere Zit het er s Konzept vo dr Serii entwicklet, wo s gliiche Motiiv in verschiidene Liechtstimmie zäigt het. Drnääbe het er z Giverny aagfange, si berüemt Garde aazleege, won er denn au as Motiiv in sine Bilder brucht het.

Claude Monet (1899)

Sälbstbordret, 1917, Musée d’Orsay z Bariis

E baar vo sine Wärk

In dere Liste het s 39 Wärk vom Monet, won e representative Kweerschnitt dur si Wärk daarstelle. D Uswaal orientiert sich an de Büecher Claude Monet vo dr Karin Sagner us em DUMONT-Verlaag und Monet vom Christoph Heinrich us em Taschen-Verlaag.

Bild	Ditel	Entstande	Gröössi, Materiaal	Usstellig/Sammlig/Bsitzer
	S Morgenässe im Grüene	1865/1866	248 × 217 cm, Ööl uf Liinwand	Musée d’Orsay z Bariis
	D Camille im grüene Chläid	1866	231 × 151 cm, Ööl uf Liinwand	Kunsthalle Bremen z Breme
	Fraue im Garde	1866	256 × 208 cm, Ööl uf Liinwand	Musée d’Orsay z Bariis
	D Terrasse vo Sainte-Adresse	1867	98 × 130 cm, Ööl uf Liinwand	Metropolitan Museum of Art z Nöi York
	D Chille Saint-Germain-l’Auxerois	1867	79 × 98 cm, Ööl uf Liinwand	Nationalgalerie z Berlin
	Dr Fluss/Am Ufer vo Bennecourt	1868	81 × 100 cm, Ööl uf Liinwand	Art Institute of Chicago z Chicago
	La Grenouillère/Dr Froschdäich	1869	75 × 100 cm, Ööl uf Liinwand	Metropolitan Museum of Art z Nöi York
	Dr Strand vo Trouville	1870	38 × 46 cm, Ööl uf Liinwand	National Gallery z London
	Windmüülene bi Zaandam	1871	47 × 73 cm, Ööl uf Liinwand	Brivatbsitz
	Impressioon – Sunnenufgang	1873	48 × 63 cm, Ööl uf Liinwand	Musée Marmottan Monet z Bariis
	Mohnfäld bi Argenteuil	1873	50 × 65 cm, Ööl uf Liinwand	Musée d’Orsay z Bariis
	Boulevard des Capucines	1873	61 × 80 cm, Ööl uf Liinwand	Puschkin-Museum in Moskau
	D Brugg über d Seine bi Argenteuil	1874	60 × 81,3 cm, Ööl uf Liinwand	Neue Pinakothek z Münche
	D Camille im japanische Gostüm	1875/1876	231,5 × 142 cm, Ööl uf Liinwand	Museum of Fine Arts z Boston
	Dr Baanhof Saint-Lazare, d Aakumft vom ene Zuug	1877	82 × 101 cm, Ööl uf Liinwand	Harvard University Art Museum an dr Harvard University
	Rue Saint-Denis am Fest vom 30. Juni 1878	1878	76 × 52 cm, Ööl uf Liinwand	Musée des Beaux-Arts et de la Céramique z Rouen
	Sunnenbluemestruuss	1880	101 × 81 cm, Ööl uf Liinwand	Metropolitan Museum of Art z Nöi York
	D Hütte vom Zollwärter z Verengeville	1882	60 × 78 cm, Ööl uf Liinwand	Museum Boijmans van Beuningen z Rotterdam
	Stürmischs Meer bi Etretat	1883	81 × 100 cm, Ööl uf Liinwand	Musée des Beaux-Arts z Lyon
	Bordighera	1884	64,8 × 81,3 cm, Ööl uf Liinwand	The Art Institute of Chicago, Mr. and Mrs. Potter Palmer Collection
	Frau mit Sunneschirm	1886	131 × 88 cm, Ööl uf Liinwand	Musée d’Orsay z Bariis
	Felsepüramide vo Port-Coton bi rauer See	1886	65 × 80 cm, Ööl uf Liinwand	Puschkin-Museum z Moskau
	Jungi Mäitli im ene Boot	1887	145,5 x 133,5 cm, Ööl uf Liinwand	Nazionalmuseum für westligi Kunst z Tokio
	Chornschober	1890/1891	verschideni Format, Ööl uf Liinwand	verschiideni Usstelligsort
	Babbele	1891	verschideni Format, Ööl uf Liinwand	verschiideni Usstelligsort
	D Kathedrale vo Rouen	1891-1894	verschideni Format, Ööl uf Liinwand	verschiideni Usstelligsort
	En Arm vo dr Seine bi Giverny	1897	81 × 92 cm, Ööl uf Liinwand	Museum of Fine Arts z Boston
	Seeroose	1897-1899	81 × 100 cm, Ööl uf Liinwand	Galleria Nazionale d'Arte Moderna z Rom
	Die japanischi Brugg	1899	89 × 93 cm, Ööl uf Liinwand	National Gallery z London
	Weg im Garten des Künstlers	1902	89 × 92 cm, Ööl uf Liinwand	Österreichische Galerie Belvedere z Wien
	S Parlamänt vo London, Sunnenundergang	1902	81 × 92 cm, Ööl uf Liinwand	National Gallery of Art z Washington, D.C.
	Dr Palazzo da Mula	1908	62 × 81 cm, Ööl uf Liinwand	National Gallery of Art z Washington, D.C.
	D Druurwiide	1918/1919	89 × 115 cm, Ööl uf Liinwand	Kimbell Art Museum, Fort Worth, Texas

Liddratuur

• Christoph Heinrich: Monet. Taschen-Verlag, Köln 2006, ISBN 3-8228-6368-8
• Karin Sagner-Düchting: Claude Monet und die Moderne. Prestel-Verlag, München 2001, ISBN 3-7913-2614-7
• Karin Sagner: Claude Monet. DUMONT, Köln 2005, ISBN 3-8321-7598-9
• Karin Sagner: Claude Monet in Giverny. 4. Auflage. Prestel-Verlag, München 2006, ISBN 978-3-7913-3438-7
• Karin Sagner: Claude Monet. 1840-1926. Ein Fest für die Augen. Taschen, Köln 2006, ISBN 978-3-8228-5021-3. (Originalausgabe: 1990)
• Daniel Wildenstein: Monet. 4 Bände. Taschen-Verlag, Köln 1996, ISBN 3-8228-8725-0
• Matthias Arnold: Claude Monet. 2. Auflage. Rowohlt-Verlag, Reinbek 2003, ISBN 3-499-50402-2
• Janice Anderson: Monet. Verlag EDITION XXL, 2005, ISBN 3-89736-332-1
• Dorothee Hansen (Hrsg.), Wulf Herzogenrath (Hrsg.): Monet und Camille – Frauenportraits im Impressionismus. Hirmer Verlag GmbH, München 2005. ISBN 3-7774-2705-5

Weblingg

 Commons: Claude Monet – Sammlig vo Multimediadateie

• Suech no Monet, Claude in dr Dytsche Digitale Bibliothek (DDB)
• Claude Monet bi artfacts.net
• Wärch vu Claude Monet. In: Zeno.org.
• Infos und Wärk vom Monet bi ibiblio
• Claude Monet Biografii
• Monet-Usstellig im Von der Heydt-Museum Wuppertal 11. Oktober 2009 bis 28. Februar 2010

Normdate: GND: 11858345X | LCCN: n79055527 | SUDOC/IdRef: 027329739 | SELIBR: 207632 | VIAF: 24605513

Dä Artikel basiert uff ere fräie Übersetzig vu dere Version vum Artikel „Claude_Monet“ vu de dütsche Wikipedia. E Liste vu de Autore un Versione isch do z finde.