Denkendorf (Württemberg)

Denggadårf (so em Fläggadialäggd gsprocha; dt. Denkendorf) isch a Gmaende em Landgraes Essleng en Bada-Wirddaberg.

Wappa	Deitschlandkart
	48.6958333333339.3175291
Basisdata
Bundesland:	Bade-Wirttebärg
Regierongsbezirk:	Stuegert
Landkroes:	Esslenga
Heh:	291 m i. NHN
Fläch:	13,1 km²
Eiwohner:	11.092 (31. Dez. 2024)[1]
Bevelkerongsdicht:	849 Eiwohner je km²
Boschtloetzahl:	73770
Vorwahl:	0711
Kfz-Kennzoeche:	ES
Gmoedsschlissel:	08 1 16 015
Adress vo dr Gmoedsverwaltong:	Furtstraße 1 73770 Denkendorf
Webpräsenz:	www.denkendorf.de
Schuldes:	Peter Jahn
Lag vo de Gmoed Denkendorf em Landkroes Esslenga
Karte

Dialäkt: Zentralschwäbisch

Geografi

Denggadårf isch bis ănna 1950 am Rand vo dor Fildor am sidlicha Hang zom Kerschdaal gläaga. Nåch-m zwåeda Wäldgriag isch dor Flägga schdarg nuffgwaggsa uff d Fildorhochfleche.

Nåchborgmaendena send Essleng em Norda, Deizisao em Nordoschda, Kengga em Oschda, Ondereseng em Sida, Nuihausa em Weschda ond Oschdfildra em Nordweschda (älle em Landgraes Essleng).

D Gmarkong sezzd sich zsẽma aus 22,1 % Landwirtschaftsfleche, 20 % Wald, 12,5 % Sidlongsfleche ond 0,7 % sonschdichor Fleche.

Gmaendeglidorong

Zo Denggadårf ghaerd dor Flägga sälbor, dor Spieth-Hof, dor Hangedor Hof, d Daalmiile ond d Friedrichsmiile.

Fläggagschiichd

D Glaosdorkirch Denggadårf vo Nordwäsda, vo dor Zuafard här gsäa.

Denggadårf wird zom aerschda Mål ǎnna 1129 erwehnd. D Gschiichd vom Flägga isch emmor mid-m Glaoschdor Denggadårf vorbonda gwäa. D Oborhohaed ibor dor Flägga hådd abor emmer s Herzogtum Wirddaberg gheed. Vo 1950 bis 1990 isch d Ãzahl vo de Aewohnor vo äbbes ibor 2.500 uff ibor 10.000 gschdiiga.

En dor aersda Hälfde vom 20. Jårhondord hend on Haufa Denggadårfor dor Beruf vom Mauror gheed. Se hend zmaesd z Sduagord odor z Essleng baud, weil-s då mid dor Indusdrialisirong enorm viil zom baua gäa hådd. Ǎlloe zwåe vo de "tobb tenn" vo de deidsche Baufirma ganged uff Denggadårfor Grindor zrugg: D Firma Gottlob Rommel und d Firma Wolff & Müller, dui må bis haed ire Ferdichheisor en Denggadårf härsdelld.

Schdråßa ond Nãma

D Ondorschiid zwischa de alde Dialäggd-Nãma fir Schdråßa ond Blätz ond de haediche offizielle Nāma send zom Dåel erheblich:

Offizielle Nãma	Dialäggd-Nãma
Furtstraße	Furgass
Hintere Gasse	Hendorgass ['hendǒrgas]
Eichersteige	Åechorschdåeg
Schäfersteige	Schdåeg
Kapellenstraße	Em Käppele
Friedrichstraße	Nui Schdråß
Erlachsee	Sae
Kloster	Glaoschdor
Sulzbachtalviadukt	S graoße Viadukt [fia'dugd]
Körsch	Dor Bach

Politik ond Vorwaldong

Denggadårf ghaerd zo koenora Verwaldongsgmaenschaft.

Birgermåeschdor isch dor Peter Jahn.

Wahla

Ergäbnis vo de Landdagswahla seid 2006:^[2]

Jahr	CDU	D Gräane	SPD	FDP	D Lengge1	AfD	Sonschdiche
2016	30,8 %	30,9 %	15,5 %	5 %	1,5 %	12,9 %	3,3 %
2011	40,1 %	24,2 %	25,9 %	3,3 %	1,3 %		5,2 %
2006	44,7 %	8,3 %	32 %	8,9 %	1,9 %		4,3 %

¹ 2006: WASG, seid 2011: Die Linke

Dialäggd

Dor Dialäggd vo Denggadårf ghaerd zom Middlschwäbischa.

Däar Ardiggl då isch gschriiba en demm Dialäggd, denn må mor vår dor Vorhochdeidschifizirong z Denggadårf gschwäzzd hådd. Dia Buachsdaba, dia må-s em Haochdeidscha edd geid (å, ã, ẽ, õ) sdammed vo andore eiropäische Schriftsbråcha.

Weblink

 Commons: Denkendorf (Württemberg) – Sammlig vo Multimediadateie

• www.denkendorf.de