Neuhausen auf den Fildern

Nuihausa (['nuıhousɐ], amdlich Neuhausen auf den Fildern) isch a Gmaende em Landgraes Essleng en Bada-Wirttabärg ond ghaerd dåmid zom Ballongsraom "Middlorer Näggor". Frijor håd-mor gelägendlich ao schärzhafd "Kaddolisch-Nuihausa" gsaed, em Ondorschid zom andora Nuihausa, "Häfnor-Nuihausa" em Åechdaal, ao em Graes Essleng gläaga. Nuihausa isch nåch-m Zwåeda Wäldgriag wia älle Flägga uff dor Fildor sdarg gwaggsa ond håd schon lengor mae wia 10.000 Aewohnor.

Wappa	Deitschlandkart
	48.6844444444449.2744444444444320
Basisdata
Bundesland:	Bade-Wirttebärg
Regierongsbezirk:	Stuegert
Landkroes:	Esslenga
Heh:	320 m i. NHN
Fläch:	12,5 km²
Eiwohner:	12.506 (31. Dez. 2024)[1]
Bevelkerongsdicht:	1003 Eiwohner je km²
Boschtloetzahl:	73765
Vorwahl:	07158
Kfz-Kennzoeche:	ES
Gmoedsschlissel:	08 1 16 047
Adress vo dr Gmoedsverwaltong:	Schloßplatz 1 73765 Neuhausen auf den Fildern
Webpräsenz:	www.neuhausen-fildern.de
Schuldes:	Ingo Hacker
Lag vo de Gmoed Neuhausen auf den Fildern em Landkroes Esslenga
Karte

Dialäkt: Zentralschwäbisch

Geografi

Nuihausa leid ogfär 15 Kilometer sidesdlich vo dor Sdaddmidde vo Stuagert uf dor Haochfleche vo dor Fildor. Nåchborgmaendena send Oschtfildora em Norda, Denggadårf em Nordosda, Ondorẽseng em Sidosda, Wolfschluaga em Sida ond Fildorsdadd em Wäschda (älle Landgraes Essleng).

D Gmarkong setzt sich zsẽma aus 26,4 % Landwirtschaftsfleche, 10,7 % Wald, 15 % Sidlongsfleche ond 0,6 % sonschdichor Fleche.

Nuihausa leid diräggd an dor Audobã A8 Sduagord - Ulm ond håd on åegena Audobããschluss. Blos weniche Kilomedor wäsdlich vo Nuihausa isch dor Landesflughafa Sduagord zom fenda. En de näggsde Jår soll d S-Bå vo Fildorsdadd bis Nuihausa vorlengored wärda. So leid dor Flägga außorordendlich vorkehrsgensdich. Uff dor andore Seid isch-or deswäaga ao zemmlich sdarg mid Lärmemmissiona belasded.

Nuihausa; am Horizond em Siida d Schwäbischa Alb

St. Peter ond Paul midd-m obora Schloss vo de Härra vo Nuihausa, baud em Jår 1518

Gmaendeglidorong

Nuihouse isch a gschlossenor Flägga ohne weidore Ordsdåel.

Gschiicht

Nuihausa isch zom aersda Mål em Jår 1153 erwehnd wårda. Näaba Wärnao isch Nuihausa dor oenziche weidore Flägga em heidicha Landgraes Essleng, där må d Reformazio edd midgmachd håd.

Vorwaldong

Nuihausa isch ganz sälbsdendich ond ghaerd zo koenora Verwaldongsgmaenschafd.

Birgermåeschdor isch dr Ingo Hacker.

Wahla

Ergäbnis vo de Landdagswahla seid 2006:^[2]

Jahr	CDU	Greane	SPD	FDP	Lenke1	AfD	Sonschtiche
2016	30,3 %	32,2 %	13,9 %	6,8 %	1,6 %	11,8 %	3,6 %
2011	41 %	23,8 %	23,9 %	4,4 %	1,8 %		5,2 %
2006	45,3 %	9,8 %	26,2 %	11,4 %	2,1 %		5,2 %

¹ 2006: WASG, seid 2011: Die Linke

Dialäggd

Dor Dialäggd vo Nuihausa ghaerd zom Zentralschwäbischa.

Weblink

 Commons: Neuhausen auf den Fildern – Sammlig vo Multimediadateie

• www.neuhausen-fildern.de